Kum danga neih thin ang bawkin kum kal mekah Roll revision neih leh a ni a, Electoral roll-a lut turte Election Commission of India-in Ni 16.12.2019-15.01.2020 thleng a hawng a, Heng dilna Electoral Registration officers-ten an endik zawh hun hi 27.01.2020 thleng siam a ni bawk a. Vawiin hian Mizorama District Election Officers-ten anmahni district theuhah Mizoram Final Electoral Roll 2020 hi publish-na nei in, party hrang hrang te hnenah a copy hi pek a nih bakah, Chief Electoral website https://ceo.mizoram.gov.in/ ah en theih a ni.

Tun tum Electoral Roll buatsaihna ah hian District thar pathum Hnahthial, Khawzawl leh Saitual te hi an hnuaia awm tur Constituency siam fel a la nih rih loh avangin, District dang Pariatah Roll publish-na hun hi neih a ni. 

District thar pathumte hnuaia Constituency awm turte hi State Sorkar rawn chung leh ECI Instruction anga siam thuai tur a ni ang. Assembly Constituency awmsa hi siamthat leh tihdanglam theih a la ni lova. Kum 2002-a India Constitution amendment a nih khan tuna Assembly Constituency hi kum 2026 hnua Census neih hmasak ber zawh hnuah chauh delimitation of Assembly Constituency hi siam that theih a ni dawn chauh a. Tun dinhmunah Mizoram ah Voters 799328 an awm a. Service Voters hi 4881 (M-4817, F-64) an awm mek. Gender Ratio ( Mipa voter 1000 zela hmeichhe awmzat) hi 1054 a ni. Kum hmasa lam aia Mizoram pumpuia voter punna hi 15429 a ni a, za zelah 1.97-a pung ang kan ni. Mipui awm zawng zawng atanga Voters awm zat hi za zelah 60.26 a ni. Polling Stations hi tun dinhmunah chuan avaiin 1222 a awm mek. Disrict Election Officers Pariat kan neih mekte hnuaia voters awmzat te chu a hnuaia table ang hi a ni.

Kum bi thliah zela Voters awm zat.

Tuna District Election Officers hnuaia Polling station awmte: