Vawiin chawhnu khan DC Conference Hall, Kolasibah Special Summary Revision of Photo Electoral Roll 2020 neih a Final Publication chu Pi Sangchhin Chinzah, District Election Officer leh Deputy Commissioner ni bawk chuan a tlangzarh.

Pi Sangchhin Chinzah chuan Electoral roll final publication tlangzarh a nih theih nana ARO, AERO leh BLO zawng zawng te chungah lawmthu sawiin, a bul atanga final publication thleng a Electoral roll felfai buatsaih kawnga political party aiawhte leh khawtlang tlawmngai pawl te inpeknaah lawmthu a sawi bawk a ni.

He hun hi Pu C Khamluaia, Election Officer in kaihruaiin Political party hrang hrang aiawh lo kal te hnenah Pi Sangchhin Chinzah hian final publication hi a hlan nghal bawk a ni.

Tuirial (ST) A/C ah Mipa 8695 leh Hmeichhia 8962 an awm a, an vaiin 17657 an ni. Kolasib (ST) A/C ah Mipa 10624 leh Hmeichhia 11739 an awm a, an vaiin 22363 an ni. Serlui (ST) A/C ah Mipa 9763 leh Hmeichhia 10054 an awm a, an vaiin 19817 an ni. District pum a vote neih zat chu 59837 a ni. EPIC Card hi voters zawng zawng ah pek vek an ni. Kolasib District ah hian Constituency pathum (3) awm in, 4 – TUIRIAL (ST) AC ah 25, 5 – KOLASIB (ST) AC ah 28, 6 – SERLUI (ST) AC ah 34 an awm a, a vai in Polling Station 87 a awm a ni. 2019 Draft Roll ah khan Kolasib District chhung ah Voters 58796 an awm a, Draft Roll atang a voters a pun na hi 1041 a ni a, chu chu za 1.77% a ni. Kolasib District chhunga Polling Station vote tam berna chu 5 – Kolasib Constituency, Part 2 (Bairabi II) ni in, voters 1249 an awm a, a tlem berna chu 4 – Tuirial Constituency, Part 25 (Sethawn) ni in, voters 111 an awm mek a ni. Kolasib District pumah hian kum 2011 chhiarpui ah mihring 83955 an awm a, tun a Draft Roll thar ber ah hian, voters 59837 an awm a, mihring chengzat nen a khaikhin in 71.27% in vote nei thei an ni.