Kumin Republic Day lawmna pui ber New Delhi a Mizoram aiawha zuk chhim ve Tribal Representatives te chuan Delhi ah programme hrang hrang an hmang zui zel a. Vawiin khan Parliament House fanpui niin Lok Sabha Speaker in chhun chaw a buatsaih an kil a. Republic Day puala programme pui ber pakhat Beating Retreat, Vijay Chowk a neih ah pawh vawiin tlai hian an chhim a ni. Tribal Representavies 2 leh anmahni hruaitu Pu Lalsiama Fambawl, Dy. Director te hian sorkar laipui hotu lu hrang hrang an hmuhna ah hian Mizoram atanga an thil ken an hlan thin a, heng hotu lute pawh hian Republic Day pual thil pek an lo pe ve thin bawk a ni.

Tluang taka New Delhi a hun an hman mekah hian naktuk lamah chuan ram tana nunna hlantute thlan an tlawh dawn a ni.