Republic Day 2010 lawmna pui ber New Delhi khawpuia Mizoram Tableau entira zuk kal Mizoram aiawhte chu an hruaitu Pi K. Vanlalsangi, IPRO hovin minin khan tluang takin Aizawl an lo thleng leh ta.

 



Tarlan tawh thin angin kumin Republic Day New Delhi-a lawmna ah khan State 13 leh Ministry hrang hrang 8 ten an hnathawh leh langsar zual deuh Tableau an entir a. Mizoram pawh State thlanchhuah 13 zingah hian tel ve phakin Mizo kutchhuak thiamhnang chi hrang hrang an zuk pholang a ni. Tableau entirna a lawmman dawngtute chu 1) Ministry of Cultural Affairs, 2) Goa State leh 3) Chhatisgarh an ni a. Mizoram pawh hian Tableau ah hian vawi engemaw zat tel ve tawh in kum 2006 ah phei kha chuan lawmman 3 na an zuk dawng tawh nghe nghe a ni.

Mizoram aiawha zuk kalte hian New Delhi an cham chhungin sorkar laipui mipawimawh President, Vice President, Prime Minister, Defence Minister leh Tribal Welfare Minister te hmuin an ni hian thingpui an lo in pui thin a ni.

Attachment

  • Loading attachment...