4454/2024-2025

Aizawl, February ni 27, 2025: APEDA-Agriculture Product Export Development Authority of India leh Horticulture Department Mizoram leh Zo Anthurium Growers Co-operative Society te tang kawp chuan a vawi khatna atan Mizoram Anthurium te chu Singapore a thawn turin February ni 26, 2025 khan Agriculture Secretary, Pi Ramdinlianin a vai liam. He hun hi Directorate of Horticulture, Aizawl a neih a ni.

Ram pawn a hralhchhuah hian Anthurium chingtute tan a hlawk zawk theih beiseina a san avanga Singapore a thawnchhuah na hi ruahman a ni a. First Trial shipment atana Anthurium Singapore a an thawnchhuah zawng zawng hi par 1008 niin kg. 70 a rit a ni.

Mizoram Anthurium te hi kum 2004 vel lai atang tawh a chin tan a ni a. Zo Anthurium Growers Cooperative Society te hian Member 150 vel bawr Aizawl chhung leh district hrang hrang ah te neiin kum 20 vel bawr state pawnah-Delhi Phool Mandi- Ghazipur ah Anthurium te hi an hralhchhuak reng a ni.

He hunah hian APEDA atangin Pu Abhisek Dev, Chairman APEDA; Pi Vinita Sudhansu, General Manager, APEDA; Dr. Sudhanshu, Secretary, APEDA; Mr.Bidyut Kr. Baruah, Dy.General Manager (DGM), APEDA; Pu Kalai Selvan, Veg. Pro Singapore Pvt. Ltd, Singapore; Pu Kishan Singhal, CMD-IVC Agrovet Private Ltd. Mumbai te leh exporter leh importer-te Mizoram pawn atangin biakhlatna in an tel a ni. Mizoram lam atangin Horticulture Additional Director Pu L. Lalhmingmawia Pachuau bakah Officials dangte leh Zo Anthurium Growers Co Operative Society member te an tel bawk.