Vawiin chawhnu dar 1:00 khan Mizoram Bamboo Day Celebration Committee chu an chairman Pi Esther Lalruatkimi, Secretary, Govt. of Mizoram, Industries Department hovin a Office-ah Bamboo Day 2014 atana inbuatsaihna an nei.

Bamboo Day atan hian Resource Persons State pawn lam mi, mau leh rua lama tuimi leh mi tangkai turte, mau leh rua hmanga thilsiam chi hrang hrang entir turte sawm nise tiin an rel.

Hemi ni atan hian Aizawl khawpui luhka hrang hrang leh Aizawl Bazar Bungkawn-ah mau hmangin Gate mawi tak siam nise an ti a.

Best Bamboo Enterpreneur hmeichhia leh mipa Award siamte, Mau chungchang College Quiz Competition te siam ni bawk se tiin an rel a, heng thil chi hrang hrangah hian Committee hrang an ruat thliah thliah bawk a ni.