Mizoram State Council for Child Welfare hotute chuan an ex-officio President, Social Welfare Minister ni bawk Pu P.C. Lalthanliana chu vawiin chhun khan a pisaah kawmin, chawimawina citation an hlan.

He an inkawmnaah hian kum 5 kalta chhunga an thawhho na te thlirletna neih a ni a, thawhhona tha an neih chhunzawm zel an beisei thu an sawi bawk.

Mizoram State Council for Child Welfare hi naupang tana pawl ding leh tangkai tak niin, naupang chanvo dik leh an phu ang te an hmuh theih nan hma la in, naupang chunga hleilenna te an do tlat thin a ni. Naupang huaisen leh chawimawi phu te’n an phu ang chawimawina an dawn theih nan hma an la thin a. Kum 2013-ah khan an hmalakna in Mizo naupang huaisen pali (4) te hnenah National Bravery Award hlan an ni.