Vawiin chawhma ah khan Mizoram Bharat Scouts & Guides Patron atan Larsap Lt.Gen(Rtd.) Nirbhay Sharma chu Raj Bhavan Durbar Hall-ah thutiam chham tira lakluh a ni.

Patron thar thuchah a sawina ah Governor chuan Rev. F.J.Raper-a’n kum 1932 a Serkawn, Lunglei a lo din, Mizoram Bharart Scouts & Guides hian tun thleng in Mizoram ah hmasawn lam a pan zel leh rahbi thar a rap zel a ni a ti a. Scouts & Guides hian Mizo naupang leh thalai te nunphung leh khawsak dan nasa takin a ti hmasawn tih han hriat phei chu thil hriat nuam tak a ni a ti.

A mah ngei pawh kum 1950 chho bawr ah khan Scouts & Guides ah lo tel ve tawh in chuta a thil zirchhuah te chuan hmasawnna leh hlawhtlinna tam tak siam sak in tumruhna a pek tel bawk avangin tun huna a dinhmun chelh mek chu thleng thei niin a inhriat thu a sawi. A mah lawmluhna a tel Commissioners leh Unit leader zawng zawng te chuan Mizoram Bharart Scouts & Guides thupui ber “ khua leh tui tha” tih chu thu mai a sawi lovin thiltih nena lantir in an naupang te an zirtir a ngai niin sawi. Naupang te humsual dai tur ven himna kawngah Commissioners leh Unit leader inpekna a pawimawh thu sawi a. Ruihhlo leh tunlai changkanna ken tel hunkhawhralna chi hrang hrang bakah zawmthawtna siam thei thil laka atangin Mizo naupang tam zawk humhim an nih theih nan mawhphurtu anih thu a hrilh a ni. Governor chuan ama puala programme siam chu remchanga la in Scouts & Guides leh NCC huang a rawn lut turin Mizo naupang leh thalai te a sawm a. NCC leh Scouts & Guides a in hmang chuan khawtlang tana a mawhphurhna a hriatbak ah mi hlawhtling, khual leh tui tha an ni thin a ni a ti a. Scouts & Guides zirtirna ah hian zirtirna tha a awmkim vek avangin tunlai khawvel sualna chi hrang hrang tamna hmuna boruak thalo hipthei napang leh tleirawl hote tan hlei hlei hian a tangkai ani a ti.

Patron a nihna piah ah Governor a nih na ang pawn Scouts & Guides tana hnathawh a tum thu sawiin Scouts & Guides hotute chu an hmalakna chungchang te a hnenah thlen thin turin a hrilh a ni.

Mizoram Bharat Scouts & Guides Patron atana Governor lakluh inkhawm hi Pu Zothanmawia, Director, Sports & Youth Service, State Chief Commissioner, BS&G in kaihruaiin Rev.Dr.C.L. Hminga, Vice President, Mizoram BS&G in Patron lakluhna hun a hmang thung. BS&G report in a tarlan dan chuan Mizoram ah 210 Scouts & Guides units awm mek in member 6275 an nei a ni.

Attachment

  • Loading attachment...