Vawiin khan Pu Jitender Yadav, DC Kolasib hovin a Office Chamber-ah District Innovation Fund hman dan tur chungchang sawi hovin meeting an nei a. He Fund hi a tangkai thei ang berin mipuite mamawh hrang hrang tihchangtlun nan leh hmasawnna hna belhchhah anih theih nan chutiang rilru pua ruahmanna siam turin Kolasib DC chuan he meeting a tel Head of Office leh Department aiawh te a chah a. He Fund kaltlang hian Model Village pathum – Thingdawl, Saiphai leh Meidum tan cheng nuai 1 theuh hmasawnna hnathawh nan ruahman a nih tur thu DC hian a sawi bawk.

District Innovation Fund hi 13th Finance Commission ruahmanna niin District-a thil thar mipui tena an chhawr tangkai theih ang tur te bakah hmasawnna hna tih changtlun leh a daih loh te phuhruk nan hman theih tura duan a ni.