Mizoram Bharat Scouts & Guides chuan vawiin khan Chief Minister Banquet Hall-ah an Vice President Rev. Dr. C.L. Hminga kaihhruaiin State Council Meeting an nei a. He meeting-ah hian member thar lawmluhna hun hman a ni bawk.

Meeting-ah hian Pu Lalzirmawia Chhangte, Mizoram Bharat Scouts & Guides State Chief Commissioner chuan kalkhawmte lawmna hun a hmang a, Pi K. Lalliantluangi, Mizoram Bharat Scouts & Guides State Secretary chuan report a pe a ni.

Mizoram Bharat Scouts & Guides member thar te hi Vice President Pi Laldingliani leh Rev. Dr. C.L. Hminga ten an lawmlut a. Chairman chuan member tharte chu ram leh hnam tan an theihtawp chhuah fo turin a chah bawk. Member tharte chu Pi Lalchhanhimi, Er. H. Zoramliana, Dr. Lalzuiliana, Pu Lalhriatpuia leh Fr. Santosh Lobo te an ni.