Vawiin khan Pu V. Lalremthanga IAS District Election Officer, Chairman, District Level Standing Committeee on Election ni bawk kaihhruaina-in District Level Standing Committee chu DC’s Conference Hall Mamit-ah an thukhawm.

Pu V. Lalremthanga IAS, DEO chuan kumin 2013 General Election-ah hian Election Commission of India chuan inthlanna thianghlim leh felfai a awm theih nana ruahmanna chi hrang hrang a siam thu a sawi a, hemi atan hian ruahmanna pawh ngawrh takin kalpui mek a ni a ti a. Mipuite'n kan duh tak kan thlanchhuah theih nan leh khua leh tui dik tak vote nei te’n a vote kan thlak theuh hi Sawrkar duh dan anih thu sawiin chumi atan theihtawp chhuah turin committee members te a ngen bawk a ni.

DEO chuan inthlanna felfai tak kan neih theih nan kawng hrang hrangah endiktu tur Team siam anih thu sawiin Candidate leh Political Party te pawh kan fimkhur a tul thu leh Model Code of Conduct bawhchhe lo zawnga hmala theuh turin a ngen bawk a ni.

He Meeting-ah hian kan hma lawka inthlanpui kan neih tura hma kan lak dante leh ruahmanna siamte chipchiar takin sawiho a ni bawk.

Mamit District ah hian Polling Station 110 awmin heng zingah hian Critical Polling station 10 a awm a ni.

Meeting-ah hian Member te an tel tha hle a ni.