Vawiin chawhnu dark hat khan Serchhip DIPRO, District MCMC Member Secretary ni bawk Pu Andrew H.Lalremruata, MIS hovin a pisa ah Serchhip District chhunga Cable Opeator te leh chanchinbu Editor te nen Media Certification & Monitoring Committee kalphung leh hnathawh te zirho niin; Inthlanpui leh a vuakvet a thuthar thehdarhtute (Print & Visual Media) mawhphurhna leh tih tur inhrilhfiahna leh sawihona hun hman a ni a, Serchhip District chhung hmun hrang hranga Chanchinbu Editor te leh Cable TV Operator thahnem tak an kalkhawm a ni.

Vawiin hun kaihruaitu DIPRO chuan thuthar thehdarhtu kalkhawm te chu vantlang pawhin mipuitling leh rawn tlak a an ngaih an nih avang leh an thu leh hla chu tunlai khawtlang nun leh sukthlek kaihruaitu ber anih avangin an mawhphurhna a sang a, an tawngkam chhuak leh hawiher pawh mi ten an chik thin a ni a ti a; inthlanna thianghlim leh felfai tak a awm theih nan mipuite hnenah an mawhphurhna te hrilhfiah a, zirtir tam a pawimawh avangin mediate hi mipuite rilru hneh theitu ber leh mipuite ngaihthlak ber an ni a, chuvang chuan mawhphurhna sang tak an nei a ni a ti a,, Election Commission of India in Media te tana dan a siamte uluk taka zawm turin leh Political party emaw Candidate duhsak bik neilo tura chahin hetiang thil hi a awm leh awm loh District MCMC in uluk a vil reng dawn a, dan angin a tul anga hmalak zel ani dawn a ni a ti a, heng dan leh hrai te pawh hi mipuite hnena puangzara Model Code of Conduct bawhchhiatna a awm leh awmloh pawh thuneitute vilpui tura fuih lehchhawng turin a ngen bawk a ni.

Vawiin inhmuhkhawmna ah hian Cable TV ah politics rawngkai advertisement tihchhuah anih dawna District MCMC phalna a tel a ngaih thu te, Cable TV ten chanchinthar an puan chungchanga ECI dan bawhchhe lo tura in ven dan tur te, Candidate te rualkhai taka an programme cover sak a tul thu leh cover mai bakah TV a tihchhuah anih huna rualkhai taka danbawhchhe lova kalpui dan tur te leh District chhunga Advertisement rate leh thil pawimawh chi hrang hrang inhrilhhriat a ni a, chanchinbu editor te pawh a bik taka ‘Paid News’ laka fimkhur tura thu chah niin an thuchhuah chungchangah Candidate duhsak bik neih a thianglo tih sawi a ni a, Paid News laka an him theih nan rualkhai taka Candidate te an Chanchinbu phek luahtir thin a ngaih thu te, News item a Candidate te chungchang ziah anihin Candidate hming chu underline emaw, italic a ziah emaw, hawrawp (fonts) dang emaw hmanga ziah puan paid news anga ngaih anih theih thu te, Candidate te thlalak tarlan chungchanga fimkhur a tul thu te sawi a ni a, Party emaw Candidate te Advertisement/Press Release an tihchhuah sak dawn reng rengin anmahni inven nan ziaka dilna phut kher turin an in chah bakah thilpawimawh tam tak sawiho a ni a, Media ten an hriatchian duh leh hriatfiah duhte zawhna leh chhanna hun hlawkthlak tak hman a ni bawk.

Attachment

  • Loading attachment...