Vawiin khan Chhimveng YMA Hall-ah Mamit District Bharat Scouts &Guides chuan ‘Thinking Day’ an hmang.

He hun Pu Laldangliana District Chief Commissioner, Mamit District BS&G kaihhruaiah khuallian Pu Rodney L. Ralte IAS Deputy Commissioner, President of Mamit District BS&G chuan thusawiin Scouts & Guides chu naupang nun siamna hmanrua tha tak, mi hmantlak, themthiam ram leh hnam tana mi chhenfakawm chherchhuahna atana inzirtirna anih thu sawiin Mamit District chhungah he Scouts & Guides movement hi kan la hmelhriat tam tawk loh avanga pawi a tih thu a tarlang a, Sikul zirtirtute chu helama hma la a, tan la nasa lehzual turin a chah bawk a ni. Khuallian chuan Sports & Youth Services Department hmalakna a Mizoram Bharat Scout & Guides chak taka a kal thu sawiin, Tanhril-a State Training Centre changtluang tak kan neih chu India ram pum huap pawha zahpuiawm loh leh a tha ber pawl a ni tih sawiin Mizoram Scout & Guides in tun aia hma a sawn zual zel a beisei thu a sawi a ni.

Pu Mickey Lalenkawla, SDEO leh District Commissioner (Scout) in Lord Baden Powell-a chanchin leh Scout Movement tlangpui report a pe bawk. Scout Movement hmuchhuaktu Lord Baden Powell-a leh a nupui Lady Baden Powell te piancham February ni 22 denchhenin he ni hi khawvel puma Scout & Guides ten Thinking Day a tan an hmang thin a ni.

He hunah hian Yell hun hman niin Govt M/S I Scout Troop leh Govt M/S II Guide Company ten Special item neiin thutiam sawirualna hunte hman a ni bawk.

He hunah hian Mamit a Bharat Scout and Guides thehnem tak an tel a ni.