No.474/2020-2021

Aizawl, the 21^st April 2020: Disaster Management & Rehabilitation Department in Order No.B.13021/101/202-DMR/Pt.V dated 16.04.2020 a tihchhuah leh Lockdown chhunga inkaihhruainate tarlan tawh angin nitin mamawh bungraw phurtutute tan bika Inter-state movement permit pekchhuah thin chu a tul tawh loah ngaih a ni a. Amaherawhchu, Mizoram Sawrkar chuan Mizoram chhunga Lirthei rawn khalh luttute leh anmahni puibawmtu Handymen te chu awlsam taka chhui theih turin uluk taka chhinchhiah zel tha a ti a. Hemi atan hian Home Department chuan Online hmanga Essential leh Non-Essential bungraw phurtu lirthei leh a khalhtute inziahluhna tur a siam mek a. Home Department in Online Registration a peihfel hma chu a hnuaia mi ang hian Lirthei chetvel dan, Driver leh Handymen te nihna kimchang leh an hriselna dinhmun thlengin chhianchhiah hna uluk taka kalpui tur a ni:

1.Nitin mamawh thil bik (essential commodities) phur lirthei te chu a hnuaia ruahmanna an zawm chauhin  Mizoramah an lut thei ang:

(a)Driver leh Handymen ten Medical Screening an paltlang ngei ngei tur a ni.

(b)A hnuaia tarlan, Self-Declaration Form, Driver leh handymen tana siam hi luhna hmunte(Entry Points)/ Endikna hmun(Check Gates) – Vairengte leh Bairabi-ah te lak tur a ni a. Endik hna thawk tura mawhphurhna kengtu Officer/Magistrate te chuan nitin Self-Declaration siam leh endik hna hi thawkin Report an buatsaih ang a. Nikhat chhunga report siam te hi a tuk chawhma dar 10:00(AM) hmain Secretary, Home Department hnenah an thehlut ziah ang.

2. Bungraw pangai(Non-Essential commodities) phurtu lirthei tan chuan a hnuaia tarlan Application For Inter-state movement of non-Essential goods hi hman tur a ni a. Application Form hi Work Department zawng zawng/ PSU te/ Construction Company te/ (Bungraw chah lutthei(Agent te)/ Bungraw semchhuak thei (Distributor te)/ Bungraw phurluttute chuan Home Department hnenah an thehlut thin ang. Non-Essential bungraw phur lirthei khalhtute(Driver) leh anmahni puihtute(Handymen) te pawh 1(b) a sawi taw hang khian chhinchhiah vek tho tur a ni. 

SELF DECLARATION BY DRIVER & HANDYMAN OF ALL VEHICLES

1.       Motor-ah hian driver leh handyman bak tumah kan chuang lo.

2.       (Mizoram atanga bungraw phur tura driver leh handyman kal te tan bik) A tul chuan Sorkar quarantine centre ah hun bituk chhung awm ka in huam a. Bungraw thiar hna kan thawh chhung leh Sorkar quarantine centre-a kan awm chhung chuan chhungte leh midang kan tlawhpawh lovang.

3.       Kawng laka khua-ah te kan chawl lovang. Loh theih loha kan chawl anih pawhin midang te nen inchiahpiah lo thei ang berin kan awm ang.

4.       Face mask leh mahni in vawnfai chungchangah Sorkar thupek kan zawm ang.

5.       Medical screening pal tlanga Mizoram-a lut kan ni e.

6.       Bungrua kan dahna tur neitu dawr leh_____________________ khua: 

7.       Motor registration No.______________Driving license No____________

8.       Kan bungraw phurh leh kan phurh zat:

          Driver                                                                      Handyman

Signature : ______________________             Signature : ______________________

Hming : ________________________              Hming : ________________________

Address : ______________________               Address : ______________________

_______________________________             _______________________________

Pin : ___________________________             Pin : ___________________________

Mobile No. : _____________________             Mobile No. : _____________________

APPLICATION FOR INTER-STATE MOVEMENT OF NON-ESSENTIAL GOODS