1962/2023-2024

Lawngtlai dated 20th September 2023: Vawiin chawhnu khan Pu Madhup Vyas, IAS, Chief Electoral Officer chuan kumin a MLA inthlanpui neih tur inpuahchahna endikin Lawngtlai district a tlawh a. Lawngtlai a inthlanna kalpui tur a mawhphurhna hrang hrang neitute kawmin Political party aiawh leh tlawmngai pawl hruaitute kawmna hun a hmang a. EVM dahṭhatna hmun, Strong Room leh Polling Station ṭhenkhat a endik nghal bawk a ni.

Pu Madhup Vyas, IAS, Chief Electoral Officer chuan Mizoram chu ziak leh chhiar thiam tamna ram a nih angin vote thlak ngaih pawimawh chungchangah pawh State dangte aia beisei a san thu sawiin Voter za zela 83 aia tlem lovin vote an thlak theih nan inthlan kalpui nana mawhphurna hrang hrang neite chuan an hna a hun tak an hlenchhuah theih nan theihtawp chhuah turin a chah. Vote thlak ngai pawimawh tur a inzirtirna, Systemic Voter Education & Electoral Participation (SVEEP) chu mipui tam zawk huap tur a hmalak a pawimawh thu sawiin Returning Officer leh Assistant Returning Officer-ten an mawhphurhna an hriatchian theih nan ECI inkaihhruaina bu chhiar tam turin a chah. Chief Electoral Officer chuan Polling Station tin ah inthlan hma ni 3 chhungin Duty leh vote thlak tur te mamawh zualpui, eng chhit, tui intur, inthiarna leh kailawn te ruahman fel vek tur a nih thu sawiin thawh hona ṭha tak hnuai ah inthlanna hlawhtling tak kalpui a nih theih nan thawktute chu duhsakna a hlan bawk a ni.

Pu Madhup Vyas, Chief Electoral Officer-in Lawngtlai district a tlawhna ah hian Pu H.Lalhmingthanga, Deputy Commissioner chuan Lawngtlai district dinhmun, Electoral Roll ennawnna kalpui dan, Polling Station ruahman dan leh inthlanpui kalpuina tur a inpuahchahna tlangpui, PowerPoint Presentation hmangin a entir a, Election kaihhnawih a thawktute nen inkawmna hun an hmang bawk a ni.