1961/2023-2024

Dated Serchhip, the 20th September, 2023: Commerce & Industries Minster Dr R Lalthangliana, MIFCO Chairman ni bawk chuan vawiin chawhnu khan Chhingchhipa Mizoram Food and Allied Industries Corporation Ltd. (MIFCO) hmun a tlawh.

Minister Dr R Lalthangliana chuan Chhingchhipa MIFCO thei tui sawrna hmun Fruit Juice Concentrate Plant tlawhin helai hmun tih changtlun zel dan tura hmachhawp te thawktute a sawi pui a. Tuna an dinhmun leh hmalaknate a hmunah a hmuhpui a. Kuthnathawktuten sum an lak luh theihna tur, an thei thar chhuah te man man zawka an hralh theihna tura sawngbawlna hmun tura buatsaih a nih ang ngeiin tangkai taka hman a nih theih nan tan la turin thawktute a hrilh a. Bahlah awm lo a, thei tui quality tha tak, a lei tute tan pawha lei man awm tak siam chhuah reng a nih theih nan tan lak a tul tiin Minister chuan chuta tana thawktu leh khawl mamawh dan te pawh a endik nghal a ni.

MIFCO thei tui sawrna hmunah hian Lakhuihthei leh Sapthei te leiin a tui an sawr thin a. Mipui hnena hralh chhuah turin Squash ah an siam leh bawk thin a ni. Chhingchhip leh a chhehvel khaw hrang hrangah lo neitute thar chhuah lakhuihthei leh sapthei te hi lei khawm thin a ni a. He Fruit Juice Concentrate Plant atang hian squash hi ni khatah bottle 300 vel an siam thin a. Kum tin metric ton 10-15 vel zet chu Sikkim state lamah an thawnchhuak mhin a ni.

Minister Dr R Lalthangliana hi Commerce & Industries Deputy Secretary Pu Lalnunvula leh MIFCO officer ten an tawiawm a ni.