3158/2022-2023

Aizawl 29th December 2022: COVID-19 hrik chhuakthar chung changa in buatsaihna kal zel chu vawiin chhun khan Mizoram Chief Secretary Renu Sharma hovin Health & Family Department a hotute nen thlirhona neih a ni a; he thutkhawmah hian tuna COVID-19 Mizoram dinhmun leh December ni 27 a district hrang hranga Mock Drill neih report te bawhzui niin tun dinhmunah chuan han chiai leh nunphung pangngai pela kal a tulna a la awm rih lovah he Meeting hian a ngai.

Khawvel hmun hrang hrang Covid hrik thar BF.7 in a run thar mek laiin India ram dinhmun chu a la ziaawm hle a; Mizoramah pawh he virus thar hi la lut lovin December ni 13 atang khan vawiin thlengin Mizoramah COVID-19 kai thar hmuhchhuah an awm lo a ni.

India ramah COVID hrik thar BF.7 hi a lo luh tawh avang leh a lenna ram atanga khualzinten khawi state pawh tlawh pawh theih reng a nih avangin COVID -19 laka invenna hrang hrang mask vuah, midang hnaih loh leh kut tihfai ngun erawh tha taka kalpui zel a tul an ti.