No.6789/2020-2021

Mamit 7th December, 2020 :  Vawiin khan Mizoram Cleanliness Competition, 2020 endiktu (Panel of Expert) Inspection Team, Mamit endik tura kalte chu Dr. Lalrozama, IAS District Bawrhsap chuan lo dawngsawngin DC Conference Hall, Mamit-ah inkawmhona neih zui nghal a ni.

District Bawrhsap chuan Mamit khawpuiin faina kawnga hma alakna endik tura lokalte lawmna thusawiin faina chu mitin mamawh leh hmasawnna tur a nih angin District chhungah uar takin faina kawngah hmalakna kalpui a ni a,  Mamit khawpui chhungah khawtlang hruaitute hmalakna-a vengchhung faina kawnga tan an lakna chu lawmawm a tih thu a sawi. Endik hun atan chauh nilo engtik lai pawha fai tura tan lak chhunzawm zel turin District mipuite a sawm a ni. 

Pu C. Sawihlira, DUDO chuan Mamit District-in faina kawnga hma alakna hrang hrang tarlangin District chhung khua/veng hrang hrangah naupang kum 5 to 13 intelkhawmna Children Sanitation Club (CSC) 97 din a ni tawh a, India ram pumah Mamit District chu CSC dinchhuaktu hmasa ber kan nih thu a sawi. Mamit Town Beutification hmalakna atan Mamit Officer Club (MOC) leh UD & PA Department tangkawpin hmalakna kalpui a ni a, UD&PA Department-a thawktute'n kawngpui, tuikhur leh khawpui chhunga footpath-te rawng hnawihin hnatlang neih a ni. Mamit District chu pawn lera inthiar awmlohna ODF District kan nih tawh thusawiin Public Toilet 12 siam a ni a, faina kalpuina tura dan siam bye laws chu pawm tawh niin Notification chhuaha hman tan mai tur a nih thu a sawi a. Mipuite-ah waste management chungchang zirtirna kalpui thin niin khawpui chhung hmun lun laiah fai tura inzirtirna Banner leh Hoarding tar thin  niin Forest Department nen tangkawpin tuihna humhalh leh thingphun uar lehzual tura hmalak a ni a, Green Mizoram Day- a thingphun bakah tlawmngai pawl hrang hrangte nen thingphun thin niin NITI Aayog tanpuina hnuaiah a tam thei ang ber phun belh zel tum a ni. 

Inkawmhona hunah hian Panel of Expert-te hian zawhna an neihte chhan nghal a ni a. Mamit khawpui chhung hmun hrang hrang endikna neih a nih hnuah Inspection Team te hi  vawiin vek hian Zawlnuam khua endik turin an kal leh nghal a ni.

Vawiin inkawmhona hunah hian Mamit khawpui chhunga khawtlang hruaitute leh Pi Laltharzeli, Faina lama National Awardee te an tel a ni.