No.6790/2020-2021

Aizawl the 7th December, 2020: Vawiin khan Additional Chief Secretary Pu J.C Ramthanga hovin CM Conference Hall ah district thar pathum - Khawzawl, Saitual leh Hnahthial a district administration staff-te dinhmun leh siamrem chungchanga ngaihtuah tul pawimawh tak takte sawiho a ni.

Kum 2019 atanga district anga function tan district thar pathuma district inrelbawlna  khawihtu office thawktute siam rem (reorganization) ngai chungchangah vawiin meeting-ah hian chipchiar taka staff dinhmun leh tuna thawk mek (incumbent)-te zirchian a ni a. District hotu theuh te leh parent district hotuten district tan leh thawktute tana remchang leh tha anga an hriat te an sawi vek bawk a. Chumi dungzui chuan home district a post duh te tan ruahmanna siam leh repatriation tih theihna tura remchanna siam dan ngaihtuah niin, district zawng zawng tan rualkhai zawka hmalak a nih theih nan GAD in hma lo la zui zel se tiin meeting-ah hian rel a ni.

Vawiin meeting-ah hian district thar pathum Khawzawl, Saitual leh Hnahthial Deputy Commissioner theuh te bakah an parent district -, Champhai, Aizawl leh Lunglei DC leh an aiawhte an tel a ni.