Vawiin chawhma khan Mizoram Cooperative Apex Bank Ltd. chuan Annual General Assembly vawi 17-na Vanapa Hall-ah hmangin, Cooperation Minister Pu J.H. Rothuama chu khuallian niin, hun a hmanpui.
Minister Pu J.H. Rothuama chuan Cooperation hi hman that chuan ram dinchhuah nan a thil pawimawh tak a ni a, ram changkang hote pawhin dinchhuah nan an lo hmang tawh thin a ni, a ti. Minister chuan bank loan rulh that loh vanga bank in harsatna an tawh thin chu pawi a ti thu sawiin, mipuite'n rinawm taka bank loan kan rulh hian bank-te nen kan in tanpui tawn a ni tih kan hriat a tul takzet a ni, a ti bawk. MC Apex Bank Ltd. Hnathawkte chu hawihhawmna, taimakna, rinawmna leh inpumpekna nena inthuama, mite tan malsawmna hnar ni theuh tum turin leh tan la zual sauh sauh turin Minister chuan a fuih.
He 17th Annual General Assembly programme hi session hniha then niin, session khatna hi Chairman MC Apex Bank Ltd. Pu. J.C. Chawngvawra'n a kaihruai a, Managing Director ; MC Apex Bank Ltd Pu James Hruailiana'n report a pe. Apex Bank hian thawktu 144 neiin, District Capital 7-a an branch-te Aizawl khawpui chhunga branch 5-te hmangin mipui rawng an bawl mek a ni.Tlai lam session-ah palai kalkhawm ten ro an rel.
He 17th Annual General Assembly programme hi session hniha then niin, session khatna hi Chairman MC Apex Bank Ltd. Pu. J.C. Chawngvawra'n a kaihruai a, Managing Director ; MC Apex Bank Ltd Pu James Hruailiana'n report a pe. Apex Bank hian thawktu 144 neiin, District Capital 7-a an branch-te Aizawl khawpui chhunga branch 5-te hmangin mipui rawng an bawl mek a ni.Tlai lam session-ah palai kalkhawm ten ro an rel.
