Vawiin khan Mizoram Legislative Assembly-a Committee of Estimates Member te leh Delhi Legislative Assembly-a Committee of Estimates leh ST/SC/OBC & Minority Committee member rual rawn zin te chuan Assembly Committee Room ah meeting an nei. He meeting hi Mizoram Legislative Assembly Estimates Committee Chairman Pu Nirupam Chakma in a hova, Committee Member Pu Lalrinawma, Pu Joseph Lalhimpuia leh Pu Lalrobiaka te an tel bawk a ni.
Delhi MLA te hi nimin khan Aizawl an rawn thleng a, June ni 24 2010 ah Aizawl chhuahsanin Nagaland lam an pan dawn a ni. Delhi Legislative Assembly Estimates Committee leh ST/SC/OBC & Minority Committee te chu - Shri Mateen Ahmed, Shri Mala Ram Gangwal, Shri. Veer Singh, Shri. Surender Kumar leh Shri Rajesh Lilothia te an ni a, Delhi Legislative Assembly a Deputy Secretary pahnih in an rawn tawiawm a ni. An cham chhung hian MLA rual te hian Aizawl Greater Water Supply Scheme (AGWSS) Phase-II leh hmun pawimawh thenkhatte an tlawh ang.
- Loading attachment...