Vawiin khan Mizoram State Vector Borne Diseases Control Programme chuan Malaria Programme Worker (MPW), mi 75 te tan Directorate Conference Hall, Dinthar, Aizawl-ah Training a buatsaih. Heng MPW te hi thingtlang kilkhawr, Sub-Centre awm lohna hmuna awm tur atana lak thar an ni a, posting place a an kal hma-a thiam taka an thawh theih nan Training hi buatsaih a ni.
He Training hi Dr. C. Lalthanmawia, Jt. Director (Mal) in a kaihruai a, Dr. N.Pallai, Director, Health Services in fuihna thu sawiin, mahni awmna khuaa nghet taka awma, taihmak chhuah turin a hrilh a. Mahni khua a harsatna te chhinchhiah a, mahni inzir zel a, khawtlang tlawmngai te leh kohhran mite thawhpui turin a chah bawk.
He Training ah hian thosi chungchangte, Malaria laka inven leh enkawl dante, report pek dante, thisen lak dan leh Malaria damdawi chungchang leh thil dangte zirtir an ni ang. Health Directorate leh Civil Hospital a mithiamte'n Training hi an pe ang a, field visit neihpui an ni bawk ang.
Ni kum 2009 January atanga May thla thleng khan Malaria vanga thi hi mi 47 an awm a, kumin hetiang nun vekah erawh chuan mi 7 chauhin an thihpui thung a ni. Kumin a Malaria vanga thite hi Malaria hluarna hmun, Tlabung, Marpara, Serchhip leh Saiha a awmte an ni tlangpui.
Fur hi Malaria hluar hun lai anih avangin chhungtin Malaria lakah inven tum theuh tur a ni.
He Training ah hian thosi chungchangte, Malaria laka inven leh enkawl dante, report pek dante, thisen lak dan leh Malaria damdawi chungchang leh thil dangte zirtir an ni ang. Health Directorate leh Civil Hospital a mithiamte'n Training hi an pe ang a, field visit neihpui an ni bawk ang.
Ni kum 2009 January atanga May thla thleng khan Malaria vanga thi hi mi 47 an awm a, kumin hetiang nun vekah erawh chuan mi 7 chauhin an thihpui thung a ni. Kumin a Malaria vanga thite hi Malaria hluarna hmun, Tlabung, Marpara, Serchhip leh Saiha a awmte an ni tlangpui.
Fur hi Malaria hluar hun lai anih avangin chhungtin Malaria lakah inven tum theuh tur a ni.
