1912/2023-2024
16.09.2023 : Mizoram EIACP Hub – Mizoram Pollution Control Board-in kumin 2023 World Ozone Day puala a buatsaih ‘Quiz Competition for Mizoram College Eco-clubs’chu Septemberni 15 (Zirtâwpni), 2023 zandar 8:00pm khan Ignite Studio, Khatlâ-ah neih a ni.
He hun kaihruai tu Er. Benjamin Lalnunsanga Colney, Programme Officer, Mizoram EIACP Hub – Mizoram Pollution Control Board chuan United Nations-in Montreal Protocol hman tan nihriat rengna atan September ni 16 hi World Ozone Day atan a puanga, kum 1995 atang khan he ni hi khawvêl pumah Ozone layer vênhim kawnga hmalâk nân hman thin a nitih a sawi. Khawvel ram hranghrangte’n Montreal Protocol kan zawm that avang hian Ozone pawp kan tih, Ozone hole awm mêkte hi kum 2040 leh 2066 inkârah chuan kum 1980 hunlai ang khan ain-‘recover’ leh turah mithiamte chuan an beiseithu a sawibawk.Hei hian mipui kan tanrual chuan danglamna nasa tak kan thlen theih thu leh kan environment humhalh kawngah a tha zâwnga danglamna thlentu ni tura ke pêna, tangrual theuh turin programme hmangtute a sâwm a ni.
Mizoram College Eco-clubs-te inelna atana buatsaih Quiz Competition hi Round hniha kalpui a ni a, Septemberni 7, 2023 khan Online Quiz hmangin Preliminary Round neihtawh a ni a, College Eco-clubs 13 atanga a tithe pathum Govt. Hrangbana College, Govt. Serchhip College leh Govt. Champhai College Eco-clubs-te’n Final Round lutin Quiz Master Dr. Alfred Malsawmsanga Scientist ‘B’, Mizoram Pollution Control Board, kaihhruaina hnuaiah nizan khân Quiz Final Round Intihsiakna hi neih a ni.
He Quiz Competition-ah hian Govt. Champhai College chu pakhatna niin pawisafai Rs.7000/- leh Certificate an dawng a, pahnihna Govt. Hrangbana College-te’n pawisafai Rs. 5000/- leh certificate dawngin pathumna Govt. Serchhip College-te’npawisafai Rs. 3000/- leh certificate an dawng bawk a ni.
