3490/2024-2025

Dated Hnahthial, the 12th December, 2024: Mizoram College Teachers' Association (MCTA) Annual General Conference vawi 45-na chu vawiin khan Government Hnahthial College ah neih a ni a.Tun tum hi Govt Hnahthial College in MCTA Annual General Conference a thlen vawi khatna a ni.

Conference hi session hnihah thenin chawhma lam session hi Pu CVL Tlanhlua, Vice President, MCTA Hqrs in a kaihruai a, he hunah hian Dr. Samuel VL Thlanga chuan General Secretary report pe in, kumin July ni 10-a an member boral ta Pu Vanlalpeka Hnamte, Associate Professor, Government Hrangbana College sunna hun an hmang bawk a ni.

Chawhnu lamah rorel inkhawm neih niin an thurel zingah, 'Mizoram sawrkar hian Government College te hnenah infrastructure grant leh research grant pe ve tura thlen ni rawh se' tih leh 'Mizoram sawrkar hnenah College tina IQAC te hnenah an pual bik budget siam sak tura ngen ni rawh se' tih te a tel a ni.

MCTA-ah hian sorkar college sawm hnih pali (24) leh posted outside college atangin member zanga sawmkua pasarih (597) an awm mek a. MCTA member ni lo zirtirtu zathum pasarih (307) awm bawkin a vaiin zirtirtu zakua pali (904) an awm mek a ni.  Professor puitling sawm pasarih (17) awmin kumin chhungin mi sawmhnih pali (24) te an retire tih General Secretary report-ah tarlan a ni. Nikum chhungin retire 23 awmin boral pakhat a awm a ni.