No.2350/2020-2020

Aizawl the 23rd June, 2020: Mizoram College Teachers’ Association chuan an hlawhpui (basic pay) atanga 5% theuh thawhkhawmin, COVID-19 dona atan Chief Minister's Relief Fund-ah Rs 41,22,270 an chhung lut. Hingher & Technical Education Minister Dr. R. Lalthangliana hovin Chief Minister Pu Zoramthanga hnenah an hlan.

Vawiina an chhun bakah a hma khan College 13 a thawktute chuan an nikhat hlawh thawhkhawm Rs. 23,14,522 chu CM Relief Fund-ah an lo chhung lut tawh a ni. Heng College 13 te bakah hian College dang te pawhin an nikhat hlawh atangin tualchhung leh ramria Local Task Force duty te hnenah ei tur leh mamawh tul dang cheng nuai 24 chuang man hu an lo pe tawh bawk.

Science zirna College-a zirtirtute leh zirlai te chuan hand sanitizer, protective mask leh PPE te siamin, Local Task Force-te kutah a tul anga hman turin Rs. 12,88,367 man hu zet an lo sem chhuak tawh a. April thla tir lam khan Mizoram College Teachers Association (MCTA) chuan COVID-19 dona atan a tul anga hman turin Higher and Technical Education changtu ni bawk Dr. R Lalthangliana hnenah Rs 15,0000 (Nuaikhat singnga) an lo pe tawh bawk. Heti hian Mizoram College zirtirtu te’n COVID-19 do nana Mizoram sawrkar-a an chhun luh leh Local Task Force te puihna atana an senso tlingkhawm hi Rs. 10,279,210 a tling tawh a ni.