2722/2025-2026

Khawzawl, Dated 18th December 2025 : Vawiin chawhnu dar 1 khan Mizoram Cooperative Apex Bank, Khawzawl Branch-ah Christmas Charity programme hman a ni a, Pu F. Lalbiakzauva, Khawzawl SP chu khuallian a ni.

Khuallian Pu F. Lalbiakzauva chuan Mizoram Cooperative Apex Bank Khawzawl Branch-in Christmas charity a buatsaih chu tha a tih thu a sawi a. Mizoram Cooperative Apex Bank Khawzawl Branch chu thawktu nei tha leh loan pe chhuak tha an ni tih sawiin hetiang luanchhuahna hi mi zawng zawng tun Krismasah hian neih tum theuh turin a sawm a ni.

Mizoram Cooperative Apex Bank Khawzawl chuan Christmas charity pual atan Khawzawlah institution pathum - Khawzawl Observation Home, Little Wood Girls Home leh Exodus Boys Home te hnenah thil pek a ni a, khuallian Pu F. Lalbiakzauva'n a hlan a ni. He hun ah hianin HOME tin ai awh ten thusawina hun an hmang bawk a, lawmthu sawina hun hi Pu C. Lalhmunliana, MCAB Director in a hmang a ni.