Mizoram Departmental Officers’ Association (MDOA) chuan kum hnih dana an neih thin General Body Meeting chu a vawi kua na atan vawiin khan Chaltlang Tourist Lodge-ah an nei.

MDOA Meeting hi session hniha thenin, Session hmasa zawk hi Pu Lalchuailova, MDOA Jt. Secretary chuan kaihruaiin, General Secretary Er. R. Lalrammawia chuan report a pe a. MDOA President Dr. J. T. Vanlalngheta atangin thu sawi ngaihthlak niin, Pu Ngurbiaka, Director, Art & Culture hnen atangin Departmental Officer-te hnathawh tur chungchanga paper a buatsaih chu ngaihthlak ho a ni.

Session hnihnaah hian MJA kaihhruainain kum 2014-2016 chhunga MDOA hruaitu tur thlanna hun neih a ni a. Departmental Officer-te kaihhnawih thil pawimawh tak takte ngaihtuahna hun hman a ni bawk.

MDOA hi Departmental officer-te tana pay leh service chungchanga hmala turin kum 1982 khan din a ni a. Tunah hian member 700 bawr vel he association-ah hian an awm a ni.