Vawiin khan Mizoram Departmental Officers’ Association Executive Committee chu Mizoram State Museum Library Room-ah neih a ni a. He meeting-ah hian M.D.O.A-te hmalakna avanga Department Officers I.A.S quota pakhat awm thin, pakhat dang a sawrkarin a tihpun chu an lawmzia an sawi a. Chutihrualin Department Officer Quota atanga I.A.S lut thar pawh an lawmpui tih an sawi bawk.

MDOA Meeting neihnaah hian Mizoram Sawrkar Department Officers’ Telephone Directory chu MDOA President Dr. J.T. Vanlalngheta’n a tlangzarh a. He meeting-ah hian Service Rules leh thil dang pawimawh tak tak an rel a ni. MDOA Executive Member-te hian tun hnaia an President Pu J.T. Vanlalngheta’n Doctor of Literature (D.Litt), University of Jerusalem (British-American Autonomy Body)-in a hlan chu an lawmpui hle tih an sawi bawk.

General Body meeting neih tur chungchang leh MDOA hruaitu thar thlan dan tur chungchang pawh an rel bawk.