Vawiin chawhnu khan 2^nd BN MAP Hqrs. Luangmual ah kum 30^th tlinna Rising Day an hmang. Pu Thianghlima Pachuau IPS, DGP Mizoram chu khuallian niin Pu Joseph Lalchhuana IPS, DIG (SR/NR) chu khualzahawm a ni.

2^nd Bn MAP Gate siam that chu Rising Day pual hian Pu Thianghlima Pachuau, IPS chuan hawnna a nei a, hemi hnu hian Batallion Hqrs. ah inkhawmna neih a ni a. Pu Thianghlima Pachuau IPS chuan thusawiin Police te chu khawiah pawh awm ila, kan kalsanna ah thil tha hnutchhiah theuh kan tum tur a ni tiin mipui rawngbawl sak tu pawimawh tak an nih chu hre nawn leh fo thin turin a chah a. Police ten tanrualna rilru pu chunga thawhhona tha tak an neih zel a tul a ni tiin Police officer hotute chu an hnuaia hnathawkte tana entawntlak ni tura tan la zui zel turin a chah a.  DGP chuan 2nd Battalion MAP in kawng hrang hrang a hmasawnna tam tak an neih chu fakawm a tih thu a sawi bawk. 

Khualzahawm Pu Joseph Lalchhuana IPS pawh in thu sawiin 2^nd BN MAP ah  kum 1988-1990 chhung a awm thu leh hemi hun laia batallion thatna tur leh hmasawnna tura ngawrh taka hma an lak chhoh dan tlangpui kalkhawmte a hrilh a. Battallion din tirh atanga chhangchhe tak karah hmasawnna tam tak hmuh theih a awm chu lawmawm a tih thu sawiin Pu Joseph Lalchhuana chuan Dan leh Hrai kenkawh chungchangah 2^nd Bn MAP te tan la zui zel turin a chah bawk.

Pu C. Lalruaia MPS, CO chuan 2^nd BN MAP  din anih dan tlangpui sawiin kum 1982 ah 1^st Bn MAP atangin Company pahnih te chuan 2^nd Bn MAP bul an tan a, ni 9-10-1987 ah full fledged batallion niin tuna an awmna hmun Luangmual hi batallion hqrs. Ani ta a ni. 2^nd Bn MAP ah hian Pu C.Dothanga IPS chu CO hmasa ber a ni a, Pu C Lalruaia MPS chu tuna CO nilai mek a ni. Tun dinhmunah he batallion ah hian thawktu 634 awmin Lunglei, Lawngtlai leh Siaha District an vil a ni.

Rising Day pual hian Christian Hospital, Serkawn ah thisen Unit 122 pek a ni a, TNT ah Rs. 15000/- leh buhfai bag khat pek a ni a,Bethel Center ah Rs.10000/- leh buhfai bag khat leh BCM Orphanage  Home, Ramzotlang, Serkawn ah Rs1000/- leh Sorazo Rs.2000/- man hu pek a ni bawk.