Nimin  khan Mizoram Director General of Police (DGP) Pu SBK Singh, IPS chuan Siaha a  tlawhin, a nupui bakah, Deputy Inspector General of Police (Southern Range) Pu Rajneesh Gupta, IPS leh Senior Staff Officer to DGP Pu Zonun Sanga, MPS te'n an lo tawiawm a ni.    Superintendent of Police, Siaha District Pi Apoorva Gupta IPS leh  a thawhpui ten an lo dawngsawng a ni.

DGP hian Siaha SP office saklai leh Police eatablishment hrang hrang te a tlawh kual hlawm a. Hemi hnu hian  Siaha District-a Police personnel te nen inkawmhona hun SP  office conference Hall-ah  an hmang nghal a. Thawktute'n an harsatna hrang hrang leh mamawh an thlente chu ngaihthlaksakin, chin felsak dan a ngaituah  tur thu a hrilh hlawm a ni. 


DGP chuan Mizoram Police-a sanction post 12,000 awmah 9,000 chiah hnawh khah a nih thu sawiin, thawktu indaih lohna nasa tak su kiang turin Chief Minister hma lakpuina hnuaiah kumin chhunga thawktu 700 lak belh tum a nih thu a sawi a. Quarters leh lirtheia harsatna awm mek chin fel nan Ministry of Home Affairs-ah Rs vaibelchhe 367 dil niin, hmuh theih ngei beisei a nih thu a sawi a. Mizoram Police-ah a tha zawng leh hma sawn zawnga thil inthlakthlengtir tuma tan an lak mek thu sawiin, police te chu ram tana an theihna zawng zawng nena hna thawk turin an hriselna uluk a, insawi zawi uar a, zu leh ruihhlo dang laka inthiar fihlim turin a chah.


DGP leh  amah rawn tawiawmtute hi Siaha District  Police  te chuan anmahni lawmna thilpek te an lo hlan bawk.


Inkawmhona an neih zawh hian Siaha an tlawh hriatreng nan DGP leh DIG te hian SP office sak thar kawtah thingtiak an phun nghal bawk a ni.

Attachment

  • Loading attachment...