Lawngtlai District chuan Lawngtlai khawpui CYLA Playground ah India Republic Day 2009 chu ropui takin chawhma dar 10:00 khan an lawm a, hetah hian Dy. Commissioner Pu C.Ralkapa chu Khuallian niin Parade Contingent 13 te chibai a chhang.
Mipui kalkhawm hnenah Pu Ralkapa chuan thu sawiin, Mizoram sawrkar thar chuan bul an tan dawn chauhva, mahse, an ngaih pawimawh ber pakhat mi rethei te chhanchhuahna chu ropui a tih thu leh a tak tak a mi retheite VIP ah ngaih an nih ngei a beisei thu sawiin, LADC sawrkar thar ah pawh mipuiin beiseina sang tak an neih thu a sawi.
Mizoram chhim lam tan chuan Kolodyne Multi Hydel Project chu a nghahhlelh awm em em tih thu sawiin, hemi atan hian Mizoram sawrkar thar chuan hma chak takin a la tawh a ni a ti. Mipui hamthatna tura sawrkar hmachhawp, ni 100 inhlawhna NREGS chu Lawngtlai District ah chuan hmang tangkaiin tunah hian ni 72 an thawk tawh a ni, a ti. RSBY thlak nan Backward Region Grant Fund (BRGF) pek an nih ah tunah hian sum Crore 9.94 an hmuh tawh thu D.C. chuan a tarlang bawk.
Republic Day 2009 Volleyball Match neih a ni a, Circuit House ah D.C. ‘AT HOME’ neih a ni bawk.
Champhai ah chuan Champhai Chhangphut Field-ah Republic Day 2009 hi ropui taka lawm a ni a, Pu T.V.Fambawl, D.C., Champhai chu Khuallian niin, Parade Contingent te chibai bukna a chhang.
Pu Fambawl chuan India Republic Day lawmna chungchang a sawi tum tak zingah Champhai District bik hmasawnna engemaw chen sawiin, Electric eng chhit theihna khua ah siam an nih deuh vek tawh thu leh khaw pahnih chauh la englo, mahse, hemi tih en nan chak taka sawrkarin hma a lak mek thu a sawi a, khawtinte mortor luh theih a kawng siam sak an nih tawh thu a sawi bawk.
Champhai khawpui let 10 chawm thei tur tui sawrkarin Darthlalang tlang atanga a pek tak avangin Champhai chu tui intur lamah chuan a hnianghnar ta hle tih D.C. chuan a sawi bawk.
March Past ah hian B.C.Academy Girls te chu pakhatna niin, Gov’t. CPI H/S (Boys) pahnihna an ni a, pathumna ah Gov’t. R.Hranga H/S an ni.
He lawmna inkhawmah hian kum 2008 chhunga Champhai District chhunga mi National Level infiamna a lawmman la 5 te hnenah chawimawina an hlan a, mi tlawmngai leh huaisen P.Lalhmingthanga S/o. Ringliana, Bethel Zion Veng chu an chawimawi bawk a ni.
Saiha ah pawh District Playground ah chawhma dar 10 khan ropui taka neih a ni a, Khuallian Pu Rodney Lalrinawma, Saiha DC chuan hnam puanzar pawtpharhin parade contingent 10 -te puanzar chibai buk a to chhanglet a. Mipui kalkhawmte hnenah India President aiawha lawmthu sawiin kumpinu awpbehna laka mahni ro inrel hranga kan awm theih nana hma lo la tu zawng zawng hnam pasaltha te hnenah zahna chibai a hlan bawk.
Mahni inrelbawla India ram a din hran atanga kawng hrang hranga hmasawnna te Khuallian chuan a tarlang a, Mizoram ngei pawh state te leh naupang ni mah se ziak leh chhiar tamah ram puma a sang ber kan ni ta mai te, hmun kilkhawr ber ber thlenga motor kawngpui a thlur seng sung ta mai te hi a lawmawm tak meuh a ni, a ti. India Sorkar-in a khua leh tuite a ngaihtuah thu leh mi rethei te dawm kanna tura ruahmanna hrang hrang a siam te a sawi lang a Naupang kum 14 chin hnuai lamin school an kal vek theih nana Sarva Shiksha Abhiyan (SSA) hnuaia zirlaibu leh school uniform te sema zirtirtu thahnem tak lak belh an nih thu te, thingtlang mite hriselna kawnga beihpui thlak nana National Rural Health Mission hnuaia hmalakna hrang hrangte, District hnufual bikte chhawmdawlna Backward Region Grant Fund (BRGF) hmanga vantlang rohlu, heng khua leh khua inkalpawhna kawngpui, community hall, tuikhur, khawchhung kawng, WRC link road, khelmuel leh thil dang tam tak siam a nih thu te, mi harsa te chhawmdawl nana ni 100 inhlawhna National Rural Employment Guarantee Scheme (NREGS) kalpui mek te a tarlang bawk. Heng bakah hian Mizoram Sorkar Department hrang hrang ten ram hmasawn nana kawng hrang hranga hma an lakna te a sawi lang bawk.
Tun hnaia MLA inthlanna felfai tak kan neih zawh takah mipuite chungah Khuallian chuan lawmthu a sawi a. Sorkar thar chuan khua leh tui te hmasawnna turin theihtawp tak meuh chhuah a tum a ni tiin zawmthaw taka hnathawktute chu a dim dawn loh thu a puang bawk. Tlemte thawha tam deuh hlep tumna rilru te, sorkar sum dik lo taka hman duhna thinlung te, inhlawhfa ang leka sorkar hna thawh tumna rilru te kalsana, a tha zawnga danglamna thlen ngei tura puanvente sawi chhing theuh turin a chah bawk. Sorkar leh vantiang thil kan enkawl dan hian kan changkan leh changkan loh thui tak a hril thin tiin Khuallian chuan vantlang rohlu chi hrang hrang - community hall te, zunin te, culvert te, kalkawng te, tuikhur te leh mipui zirtirna signboard chi hrang hrang siam thin te chu mipui ta, mipui tana siam, mipui vanga awm vek a nih hriaa neitu rilru dik tak nen uluk taka enkawla vawnhim that zir chho zel turin mipui te chu a ngen bawk, Sorkar hnathawkte fuihna thu sawiin Khuallian chuan sorkar sum tam tak hlawh reng chunga kan dawngdah viau chuan ‘corruption’ lian tak kan ti tihna a ni, a ti a. Mahni hnaa inpekna, tih tak takna leh rinawmna te vawng reng to turin a chah bawk.
India ram hi chi tin, hnam tin, tawng tin leh sakhaw hrang hrang betute awmkhawmna a ni a, Heng karah hian India ram mi vek kan ni tih hre renga inngeihtlang leh inhrethiam tawn taka kan chenho dial dial a pawimawh a ni, tiin Khuallian chuan ram bil intihhranna leh inlakbingna te awm lova kan inpumkhatna vawng tlat zel turin kalkhawmte chu a sawm bawk a ni.
Khuallian hian parade contingent zinga a titha Uniform ah Mizoram Home Guards, School ah Govt’ HSS, Saiha leh contingent dangte hnenah lawmman a sem nghal bawk a. Vawiin tlai lam hian Republic Day Trophy Football leh Volleyball Final Match te khelh a ni bawk.
Republic Day pual hian kum danga lo tih thin angin Republte Day Organising Cormnittee chuan Civil Hospital, District Jail, ECM Hospital, Salvation Army Boys’ Home leh ECM Motherless Babies’ Home te hnenah thilpek hlan an ni bawk.
Serchhip-ah chuan Republic Day lawmna hi Field No. II-ah zing dar 11:00 ah neih a ni a, Khuallian Pu H.Darzika, Dy. Commissioner, Serchhip, chuan Hnam Puanzar pawt pharh Armed Contingent leh school pasarih te chibai buk chu a chhang let a ni.
March Past neih a nih hnu hian National Award dawngtute hnenah Khuallian in chawimawina a hlan a, Lalthachhunga, Khawlailung khua in Sarvottam Jeevan Raksha Padak dawngin Lawmsangzuala, Serchhip khua in Jeevan Raksha Padak a dawng a ni.
Hemi hnu hian 4 Assam Rifles Pipe Band-in Hnam Hla tumin he inkhawm hi an khar a ni.
Dar 12:00 ah sawm bikte tan DC’s AT HOME hman a ni leh a, dar 12:30 ah Republic Day Volleyball DC’s Running Trophy khelh nghal a ni bawk.
Lunglei District chuan Lunglei khawpui LDSC Ground 1-ah India Republic Day hi an lawm a, hetah hian Pi M.Zohmingthangi, Lunglei District D.C. chu Khuallian niin, hnam puanzar pawtpharhin Parade Contingent Armed 4, Unarmed 5, School 8 leh 40 AR leh 2nd Bn. MAP Band Party chibai bukna a chhanglet a ni.
Kalkhawmte hmaah thu sawiin Pi Zohmingi chuan, “India Republic Day lawmna hun kan hman hian ram leh hnam tan inpekna thar nei lehin rinawmna leh mahni mawhphurhna thahnem ngai takin i kengkawh thar leh ang u ,” tiin mipuite a chah.
Vawiin Republic Day lawmna ah hian National Bravery Award (Huaisen lawmman) New Delhi-a hlan Lunglei mi F.Zorinpuia S/o. Lalrinawma Fanai, Lunglei Venglai leh F.Sangliani D/o. F.Lalthianghlima, S.Vanlaiphai te chu chawimawina neih an ni.
D.C’s AT HOME chu D.C. Lawn ah neih a ni a, sawrkar hnathawk liante leh chanchinthar lakhawm tute an kal tha hle.
Hnahthial District-ah pawh ropui takin India Republic Day an hmang a, Pu R.Lalthazuala, SDO (C) chuan hnam puanzar pawtpharhin Parade Contingent 12 te chibai a chhang let a, Republic Day Volleyball leh Table Tennis final khelh a ni bawk.
Mamit District-ah chuan Mamit Playground-ah ropui takin lawm a ni a. Khuallian Pu Zothankhuma, District Bawrhsap chuan zing dar 11:00 ah hnam puanzar pawtpharhin Parade, Armed Contingent 2 leh Unarmed Contingent 10 ten hnam puanzar chibai an buk a chhang let a ni.
Khuallian chuan India ramin mahni rorelna a neih champha lawm tura lo pungkhawm te hnenah lawmthu sawiin District in kawng hrang hranga hmasawnna a neih te a tarlang a. Khuallian chuan Mamit District-in kawng hrang hranga hma kan sawn leh zual theih nan Central sawrkar a Minorities Ministry chuan cheng vaibelchhe 21 (21 Crores) min ruahman sak a ni, a ti a. District hmasawnna tur chuan mipuiten thinlung leh tihtak zet rilru pu in mahni zawn theuhvah thahnemngai takin i thawk theuh ang u tiin kalkhawmte a sawm a ni.
Hemi ni pawimawh lawm rual hian District huam chhunga huaisen lawmman Sarvottam Jeevan Raksha Padak Award dawngtu Lalchharmawia S/o. H.Lalauva, Lallen hnenah Medal, Citatiion leh Rs. 75,000/- hlan a ni a. Hemi bakah hian Mamit District Incentive Award siam niin hei hi kumin atanga buatsaih a ni a. District chhunga chengte International, National, State leh District Level-a lawmman pakhatna atanga pathumna thleng dawngtute hnenah Republic Day-ah hlan tum a ni a. Tun tumah hian National Level-ah mi 2 hlan niin State Level-ah mi 7 hlan a ni a, District Level-ah mi 4 hlan an ni bawk a ni.
India Republic Day denchhen hian Khuallian District Bawrhsap chuan Mamit damdawiin tlawhin damlo 24 te hnenah thilpek a hlan bawk a ni.
Hemi zawh hian Khuallian chuan Mamit Damdawiin ah Blood Storage Centre a hawng nghal a. BCM Mamit Bial Thalai ten an Donate nghal a ni. Tun tumah hian thisen unit 15 lak nghal a ni rih ang.
India Republic Day lawmna chikhat atana buatsaih Inter Branch YMA inhruipawh buatsaih a ni a. Pakhatna Luangpawl Branch niin pahnihna chu Hmarveng Branch te an ni.
Contingent ti thate chu pakhatna ah 1st Govt. High School, Mamit (Girls) an ni a, pahnihna Middle School II niin pathumna chu Brighter Academy te an ni.
Kolasib ah chuan Tumpui khelmual-ah Republic Day lawmna hi neih a niin Khuallian D.C. Pu Dawngliana chuan hnam puanzar pawtpharhin March Past chibai a chhang let.
Thuchah sawiin Pu Dawngliana chuan India ram innghahna lungphum Democracy vawng nung zela ram tana inhlan thar turin mipuite a sawm a. Kum kalta a inthlanna muanawm leh felfai neih chu sawrkar hnathawk, tlawmngai pawl, kohhran leh mitinte thawhhona rah a ni, tiin lawmthu a hrilh a ni.
Kolasib District chhung bika hmasawnna hrang hrangte tarlangin Pu Dawnga chuan tunhnaia tlawmngai pawl intelkhawm ten kawngpui tha nawra lungawilohna hial kan lantir pawh BRTF ten intiamkamna an siam hnuah Kolasib khawpuiah kawngpui siam hna an thawk mek ta a ni a ti a. Kolasih leh Silchar inkara MST tlan pawh mipui lam atanga motor tha zawk service tir tura ngen a nih angin, reiloteah motor tha zawk tlantir a nih dawn thu leh hriselna lam thuah pawh khawpui leh thingtlang hmun kilkhawr zawka chengten hma kan sawn theih nan Sub-Centre te, Community Health Centre leh District Hospital-te chu tih changtluna thuam tha mek zel a ni, a ti a. Kolasib-a Mobile Medical Unit sawrkarin a dah chu tangkai taka hman mek reng a niin Kolasib Hospital chu Civil Hospital pangngai anga thuam chhoh a ni dawn ta bawk a ni, a ti.
Tunhnai mai khan District Court pawh anmahni pual building thar College Vengah insuan lutin thubuai chinfel hna ngawrh takin an thawk a. Nikum kum tawp lam khan District Fisheries Development Office pawh Kolasib-ah hawn a nita a, sangha khawia eizawngte tan he Department hian kawng hrang hrangin sangha dil leh sangha chi sem kawngah te hna chak zawkin a thawk thei ta a, hei hi kan district tana thil lawmawm tak a ni bawk, a ti a ni.
DC chuan zirna lamah pawh kan district in hma a sawn chho mek zel a. Nikum 2008-2009 chhung khan High School pariat leh Higher Secondary School 2 te chu Adhoc-Aided Status-ah hlankai an ni a. SSA Mission hmalaknain naupang School kai lote engemaw zatte chu kaitir an ni bawk, a ti.
Kolasib khawpuia Republic Day lawmna ah hian Contingent 14 in kalrem lam hmuhnawm takin an entir a. Uniformed Contingent zingah Excise & Narcotics chu pakhatna an ni a, 2-na NCC Boys St. John’s Higher Secondary School leh 3-na NCC Girls St. John’s Higher Secondary School an ni. School contingent zingah St. John’s Higher Secondary School in 1-na an la a. Lawmman 2-na chu Gov’t. Diakkawn High School in lain lawmman pathumna chu Hmar Veng High School in an la a. Parade hi Pu M.S.Dawngliana, SDPO, Vairengte in a kaihruai a ni.
Mizoram chhim lam tan chuan Kolodyne Multi Hydel Project chu a nghahhlelh awm em em tih thu sawiin, hemi atan hian Mizoram sawrkar thar chuan hma chak takin a la tawh a ni a ti. Mipui hamthatna tura sawrkar hmachhawp, ni 100 inhlawhna NREGS chu Lawngtlai District ah chuan hmang tangkaiin tunah hian ni 72 an thawk tawh a ni, a ti. RSBY thlak nan Backward Region Grant Fund (BRGF) pek an nih ah tunah hian sum Crore 9.94 an hmuh tawh thu D.C. chuan a tarlang bawk.
Republic Day 2009 Volleyball Match neih a ni a, Circuit House ah D.C. ‘AT HOME’ neih a ni bawk.
Champhai ah chuan Champhai Chhangphut Field-ah Republic Day 2009 hi ropui taka lawm a ni a, Pu T.V.Fambawl, D.C., Champhai chu Khuallian niin, Parade Contingent te chibai bukna a chhang.
Pu Fambawl chuan India Republic Day lawmna chungchang a sawi tum tak zingah Champhai District bik hmasawnna engemaw chen sawiin, Electric eng chhit theihna khua ah siam an nih deuh vek tawh thu leh khaw pahnih chauh la englo, mahse, hemi tih en nan chak taka sawrkarin hma a lak mek thu a sawi a, khawtinte mortor luh theih a kawng siam sak an nih tawh thu a sawi bawk.
Champhai khawpui let 10 chawm thei tur tui sawrkarin Darthlalang tlang atanga a pek tak avangin Champhai chu tui intur lamah chuan a hnianghnar ta hle tih D.C. chuan a sawi bawk.
March Past ah hian B.C.Academy Girls te chu pakhatna niin, Gov’t. CPI H/S (Boys) pahnihna an ni a, pathumna ah Gov’t. R.Hranga H/S an ni.
He lawmna inkhawmah hian kum 2008 chhunga Champhai District chhunga mi National Level infiamna a lawmman la 5 te hnenah chawimawina an hlan a, mi tlawmngai leh huaisen P.Lalhmingthanga S/o. Ringliana, Bethel Zion Veng chu an chawimawi bawk a ni.
Saiha ah pawh District Playground ah chawhma dar 10 khan ropui taka neih a ni a, Khuallian Pu Rodney Lalrinawma, Saiha DC chuan hnam puanzar pawtpharhin parade contingent 10 -te puanzar chibai buk a to chhanglet a. Mipui kalkhawmte hnenah India President aiawha lawmthu sawiin kumpinu awpbehna laka mahni ro inrel hranga kan awm theih nana hma lo la tu zawng zawng hnam pasaltha te hnenah zahna chibai a hlan bawk.
Mahni inrelbawla India ram a din hran atanga kawng hrang hranga hmasawnna te Khuallian chuan a tarlang a, Mizoram ngei pawh state te leh naupang ni mah se ziak leh chhiar tamah ram puma a sang ber kan ni ta mai te, hmun kilkhawr ber ber thlenga motor kawngpui a thlur seng sung ta mai te hi a lawmawm tak meuh a ni, a ti. India Sorkar-in a khua leh tuite a ngaihtuah thu leh mi rethei te dawm kanna tura ruahmanna hrang hrang a siam te a sawi lang a Naupang kum 14 chin hnuai lamin school an kal vek theih nana Sarva Shiksha Abhiyan (SSA) hnuaia zirlaibu leh school uniform te sema zirtirtu thahnem tak lak belh an nih thu te, thingtlang mite hriselna kawnga beihpui thlak nana National Rural Health Mission hnuaia hmalakna hrang hrangte, District hnufual bikte chhawmdawlna Backward Region Grant Fund (BRGF) hmanga vantlang rohlu, heng khua leh khua inkalpawhna kawngpui, community hall, tuikhur, khawchhung kawng, WRC link road, khelmuel leh thil dang tam tak siam a nih thu te, mi harsa te chhawmdawl nana ni 100 inhlawhna National Rural Employment Guarantee Scheme (NREGS) kalpui mek te a tarlang bawk. Heng bakah hian Mizoram Sorkar Department hrang hrang ten ram hmasawn nana kawng hrang hranga hma an lakna te a sawi lang bawk.
Tun hnaia MLA inthlanna felfai tak kan neih zawh takah mipuite chungah Khuallian chuan lawmthu a sawi a. Sorkar thar chuan khua leh tui te hmasawnna turin theihtawp tak meuh chhuah a tum a ni tiin zawmthaw taka hnathawktute chu a dim dawn loh thu a puang bawk. Tlemte thawha tam deuh hlep tumna rilru te, sorkar sum dik lo taka hman duhna thinlung te, inhlawhfa ang leka sorkar hna thawh tumna rilru te kalsana, a tha zawnga danglamna thlen ngei tura puanvente sawi chhing theuh turin a chah bawk. Sorkar leh vantiang thil kan enkawl dan hian kan changkan leh changkan loh thui tak a hril thin tiin Khuallian chuan vantlang rohlu chi hrang hrang - community hall te, zunin te, culvert te, kalkawng te, tuikhur te leh mipui zirtirna signboard chi hrang hrang siam thin te chu mipui ta, mipui tana siam, mipui vanga awm vek a nih hriaa neitu rilru dik tak nen uluk taka enkawla vawnhim that zir chho zel turin mipui te chu a ngen bawk, Sorkar hnathawkte fuihna thu sawiin Khuallian chuan sorkar sum tam tak hlawh reng chunga kan dawngdah viau chuan ‘corruption’ lian tak kan ti tihna a ni, a ti a. Mahni hnaa inpekna, tih tak takna leh rinawmna te vawng reng to turin a chah bawk.
India ram hi chi tin, hnam tin, tawng tin leh sakhaw hrang hrang betute awmkhawmna a ni a, Heng karah hian India ram mi vek kan ni tih hre renga inngeihtlang leh inhrethiam tawn taka kan chenho dial dial a pawimawh a ni, tiin Khuallian chuan ram bil intihhranna leh inlakbingna te awm lova kan inpumkhatna vawng tlat zel turin kalkhawmte chu a sawm bawk a ni.
Khuallian hian parade contingent zinga a titha Uniform ah Mizoram Home Guards, School ah Govt’ HSS, Saiha leh contingent dangte hnenah lawmman a sem nghal bawk a. Vawiin tlai lam hian Republic Day Trophy Football leh Volleyball Final Match te khelh a ni bawk.
Republic Day pual hian kum danga lo tih thin angin Republte Day Organising Cormnittee chuan Civil Hospital, District Jail, ECM Hospital, Salvation Army Boys’ Home leh ECM Motherless Babies’ Home te hnenah thilpek hlan an ni bawk.
Serchhip-ah chuan Republic Day lawmna hi Field No. II-ah zing dar 11:00 ah neih a ni a, Khuallian Pu H.Darzika, Dy. Commissioner, Serchhip, chuan Hnam Puanzar pawt pharh Armed Contingent leh school pasarih te chibai buk chu a chhang let a ni.
March Past neih a nih hnu hian National Award dawngtute hnenah Khuallian in chawimawina a hlan a, Lalthachhunga, Khawlailung khua in Sarvottam Jeevan Raksha Padak dawngin Lawmsangzuala, Serchhip khua in Jeevan Raksha Padak a dawng a ni.
Hemi hnu hian 4 Assam Rifles Pipe Band-in Hnam Hla tumin he inkhawm hi an khar a ni.
Dar 12:00 ah sawm bikte tan DC’s AT HOME hman a ni leh a, dar 12:30 ah Republic Day Volleyball DC’s Running Trophy khelh nghal a ni bawk.
Lunglei District chuan Lunglei khawpui LDSC Ground 1-ah India Republic Day hi an lawm a, hetah hian Pi M.Zohmingthangi, Lunglei District D.C. chu Khuallian niin, hnam puanzar pawtpharhin Parade Contingent Armed 4, Unarmed 5, School 8 leh 40 AR leh 2nd Bn. MAP Band Party chibai bukna a chhanglet a ni.
Kalkhawmte hmaah thu sawiin Pi Zohmingi chuan, “India Republic Day lawmna hun kan hman hian ram leh hnam tan inpekna thar nei lehin rinawmna leh mahni mawhphurhna thahnem ngai takin i kengkawh thar leh ang u ,” tiin mipuite a chah.
Vawiin Republic Day lawmna ah hian National Bravery Award (Huaisen lawmman) New Delhi-a hlan Lunglei mi F.Zorinpuia S/o. Lalrinawma Fanai, Lunglei Venglai leh F.Sangliani D/o. F.Lalthianghlima, S.Vanlaiphai te chu chawimawina neih an ni.
D.C’s AT HOME chu D.C. Lawn ah neih a ni a, sawrkar hnathawk liante leh chanchinthar lakhawm tute an kal tha hle.
Hnahthial District-ah pawh ropui takin India Republic Day an hmang a, Pu R.Lalthazuala, SDO (C) chuan hnam puanzar pawtpharhin Parade Contingent 12 te chibai a chhang let a, Republic Day Volleyball leh Table Tennis final khelh a ni bawk.
Mamit District-ah chuan Mamit Playground-ah ropui takin lawm a ni a. Khuallian Pu Zothankhuma, District Bawrhsap chuan zing dar 11:00 ah hnam puanzar pawtpharhin Parade, Armed Contingent 2 leh Unarmed Contingent 10 ten hnam puanzar chibai an buk a chhang let a ni.
Khuallian chuan India ramin mahni rorelna a neih champha lawm tura lo pungkhawm te hnenah lawmthu sawiin District in kawng hrang hranga hmasawnna a neih te a tarlang a. Khuallian chuan Mamit District-in kawng hrang hranga hma kan sawn leh zual theih nan Central sawrkar a Minorities Ministry chuan cheng vaibelchhe 21 (21 Crores) min ruahman sak a ni, a ti a. District hmasawnna tur chuan mipuiten thinlung leh tihtak zet rilru pu in mahni zawn theuhvah thahnemngai takin i thawk theuh ang u tiin kalkhawmte a sawm a ni.
Hemi ni pawimawh lawm rual hian District huam chhunga huaisen lawmman Sarvottam Jeevan Raksha Padak Award dawngtu Lalchharmawia S/o. H.Lalauva, Lallen hnenah Medal, Citatiion leh Rs. 75,000/- hlan a ni a. Hemi bakah hian Mamit District Incentive Award siam niin hei hi kumin atanga buatsaih a ni a. District chhunga chengte International, National, State leh District Level-a lawmman pakhatna atanga pathumna thleng dawngtute hnenah Republic Day-ah hlan tum a ni a. Tun tumah hian National Level-ah mi 2 hlan niin State Level-ah mi 7 hlan a ni a, District Level-ah mi 4 hlan an ni bawk a ni.
India Republic Day denchhen hian Khuallian District Bawrhsap chuan Mamit damdawiin tlawhin damlo 24 te hnenah thilpek a hlan bawk a ni.
Hemi zawh hian Khuallian chuan Mamit Damdawiin ah Blood Storage Centre a hawng nghal a. BCM Mamit Bial Thalai ten an Donate nghal a ni. Tun tumah hian thisen unit 15 lak nghal a ni rih ang.
India Republic Day lawmna chikhat atana buatsaih Inter Branch YMA inhruipawh buatsaih a ni a. Pakhatna Luangpawl Branch niin pahnihna chu Hmarveng Branch te an ni.
Contingent ti thate chu pakhatna ah 1st Govt. High School, Mamit (Girls) an ni a, pahnihna Middle School II niin pathumna chu Brighter Academy te an ni.
Kolasib ah chuan Tumpui khelmual-ah Republic Day lawmna hi neih a niin Khuallian D.C. Pu Dawngliana chuan hnam puanzar pawtpharhin March Past chibai a chhang let.
Thuchah sawiin Pu Dawngliana chuan India ram innghahna lungphum Democracy vawng nung zela ram tana inhlan thar turin mipuite a sawm a. Kum kalta a inthlanna muanawm leh felfai neih chu sawrkar hnathawk, tlawmngai pawl, kohhran leh mitinte thawhhona rah a ni, tiin lawmthu a hrilh a ni.
Kolasib District chhung bika hmasawnna hrang hrangte tarlangin Pu Dawnga chuan tunhnaia tlawmngai pawl intelkhawm ten kawngpui tha nawra lungawilohna hial kan lantir pawh BRTF ten intiamkamna an siam hnuah Kolasib khawpuiah kawngpui siam hna an thawk mek ta a ni a ti a. Kolasih leh Silchar inkara MST tlan pawh mipui lam atanga motor tha zawk service tir tura ngen a nih angin, reiloteah motor tha zawk tlantir a nih dawn thu leh hriselna lam thuah pawh khawpui leh thingtlang hmun kilkhawr zawka chengten hma kan sawn theih nan Sub-Centre te, Community Health Centre leh District Hospital-te chu tih changtluna thuam tha mek zel a ni, a ti a. Kolasib-a Mobile Medical Unit sawrkarin a dah chu tangkai taka hman mek reng a niin Kolasib Hospital chu Civil Hospital pangngai anga thuam chhoh a ni dawn ta bawk a ni, a ti.
Tunhnai mai khan District Court pawh anmahni pual building thar College Vengah insuan lutin thubuai chinfel hna ngawrh takin an thawk a. Nikum kum tawp lam khan District Fisheries Development Office pawh Kolasib-ah hawn a nita a, sangha khawia eizawngte tan he Department hian kawng hrang hrangin sangha dil leh sangha chi sem kawngah te hna chak zawkin a thawk thei ta a, hei hi kan district tana thil lawmawm tak a ni bawk, a ti a ni.
DC chuan zirna lamah pawh kan district in hma a sawn chho mek zel a. Nikum 2008-2009 chhung khan High School pariat leh Higher Secondary School 2 te chu Adhoc-Aided Status-ah hlankai an ni a. SSA Mission hmalaknain naupang School kai lote engemaw zatte chu kaitir an ni bawk, a ti.
Kolasib khawpuia Republic Day lawmna ah hian Contingent 14 in kalrem lam hmuhnawm takin an entir a. Uniformed Contingent zingah Excise & Narcotics chu pakhatna an ni a, 2-na NCC Boys St. John’s Higher Secondary School leh 3-na NCC Girls St. John’s Higher Secondary School an ni. School contingent zingah St. John’s Higher Secondary School in 1-na an la a. Lawmman 2-na chu Gov’t. Diakkawn High School in lain lawmman pathumna chu Hmar Veng High School in an la a. Parade hi Pu M.S.Dawngliana, SDPO, Vairengte in a kaihruai a ni.
