Vawiin khan Mizoram Youth Commission Chairman Pu Joseph Lalhimpuia, MLA chuan a pisaah chanchinbu mite kawmin,Mizoram district khawpui tinah Youth summit & Road show buatsaih ani dawn tih a sawi a, Mizoram Youth Commission in hma a lak tawhna te leh a hmachhawp hrang hrangte a sawipui bawk.
MYC Chairman Pu Joseph Lalhimpuiachuan Youth Summit & Road show chu Mizo thalaite hmasawnna tura infuihna leh inzirtirna hun atan te, Skill development lama thalaite hmasawnna tur thil tul hrang hrangin hrilhhriat nan te, lehkha zirna leh hnathawh tur thlenga kawng inkhawhhmuh nan tangkai taka hman tura buatsaih a ni, a ti a,Skill development leh Youth Affairs lama hmalakna a inhmangs awrkar department hrang hrang te leh Private Agency engemawzah an tel bawk ang, a ti.
He hunah hianPu Joseph Lalhimpuia chuan Mizoram Youth Commission hmalakna hrang hrangte tarlangin,mizo thalai zirna lama hlawhtling tam tak chawimawi tlak an awm a, chung mite lawmpui nan leh an thalaipui te chophur nan lawmman buatsaih sakna kal mekte pawh peihfel a nithuai dawn, a ti a.Mizo thalaite zinga midangte tana entawntlak leh hlawhtlinna changte tan Young Achiever Award buatsaih tum a ni a, Youth Commission bultumin district tin atangin high school leh higher secondary school zirlai thlan chhuahten Exposure visit neiin district intlawhtawnna buatsaih tum a nibawk, a ti.Pu Josepha chuan Cabin crew leh International English Language System Test paltlang thei turin a duh apiangte tan coaching class man tlawm zawkin kalpui a nih thu a sawi a, kohhran hrang hrang thalaite nena thawhho a, zirna leh eizawnna dapna kawnga in hrilhhriatna hun buatsaih an tum thu a sawi bawk.
MYC Youth Summit & Road show 2018 hi Aizawlahni 17 leh 18 April hian Assembly Annexe, Treasury Square ah neih a nianga, district dang khawpui theuhah April leh May 2018 chhunga neih chhunzawm tura ruahman a ni. Youth summit & Road show chhunghian Stall 50 vel awm tura beisei niin “Youth Empowerment” thupui a hmangin Film tawi siam, thlalak leh lemziaka inelna buatsaih a ni bawk ang.
