MYC Youth Summit & Road show chu Assembly Annexe ah ni 17 - 18 April, 2018 hian buatsaih a ni dawn a, he hunah hian thalai hna zawnglai, Construction workers leh Employment exchange tan registration a tih theih dawn a ni.

Employment registration ti tur hian mahni ngei kal a ngai a, Pawl 6 - 12 tan school certificate original ken tur a ni a, class 5 chin hnuai lam tan certificate ken a ngai lovang. Pawl 10 chin chunglam tan pian kum lanna certificate leh a sang lama thiamna neih ang ang certificate leh marksheet ken tel tur a ni. Ziah nawn (over writing) awm tawh na certificate reng reng pawm a ni lo anga, Registration card tibo chuan a duplicate cheng 10 chawiin anla chhuak leh thei ang. Sawrkar hnathawk in register turte tan No Objection Certificate lak a ngai bawk ang.  Registration hi kum thum hnuah tihnun zel a ngai a, Dak (post) kaltlang pawhin tihnun theih a ni, a thih hnuah erawh chuan a thar a in register a ngai ang. Hetianga a thar a registration tih a nih chuan Seniority pawh hloh a ni nghal ang. Registration ti tawh, thiamna sang zawk nena in register duh tan a thara ti lovin registration card leh original certificate kenga tihfel theih a ni.

Construction workers registration ti turte tan Voter ID/Aadhar attested Xerox copy, Passport size photo copy pahnih leh bank passbook xerox ken angai a. Heng bakah hian registration form ah, Employer/contractor hriatpuina emaw,  Registered worker Union hriatpuina emaw, Local/Village council president hriatpuina a ngai bawk a ni.