Ministry of Information & Broadcasting hnuaia Films Division leh Mizoram Sawrkara Information & Public Relations Department tangkawp te buatsaih Mizoram International Documentary Film Festival (MIDFF) chu October ni 16 atangin I & PR Auditorium ah neih tan a ni dawn a. Ni thum (3) awh tur Documentary Film Festival ah hian Documentary film 20 chhuah a ni dawn a, heng zinga hian Films Division in kum 2014 a Aizawl ah leh 2016 a Lunglei ah te Film Making Workshop an buatsaih tuma workshop a tel te kutchhuak, film 7 te pawh chhuah a ni dawn a. Minister of State, Information & Public Relations Pu Lalruatkima chu Festival hawng tura beisei a ni.

Hmarchhak a film siam lamah shulhnu nei tha leh lar, mi pahnih – Pu Gautam Bora leh Pu Haobam Pawan Kumar te’n documentary film siam kawnga hriattur pawimawh te zirtirin ‘Master Class’ an  lo nei dawn bawk a. I & PR Department chuan film lama tui mite Festival chhim turin a sawm a ni.

 He Documentary Film Festival hian October ni 18 thleng a awh dawn a ni.