Vawiin khan Lunglei District Level Convergence Committee On School Nutrition Garden hmalakna in Samagra Shiksha  Hall Lungleiah Horticulture Department Lunglei  hmalaknain Lunglei Dist chhunga School 65 te hnenah School Nutrition Garden a chintur Tomato tiak a thlawnin sem a ni.

Vawiina Tomato tiak semna inkhawm tawi  hi Pu Micky Lalenkawla DPC, SSA  Lungleiin a kaihruai a, he huna khuallian Pu David Liansanglura Addl. DC, Lunglei chuan naupangten eitur tha, thlai leh thei an hmuh theih nana sikul huan an siam chu lawawm a tih thu sawiin thlai leh thei chin chung changa a kaihhnawih Dept. te nen thawh hona tha tak awm chu a finthlak thu a sawi a, a enkawl kawngah pawh theihtawp chhuah tlan zel a tul thu sawiin School hrang hrang 65 aiawh kalkhawmte hnenah Tomato tiakte hi a sem nghal a ni.

Pu L.Lalhmingmawia Pachuau, Divisional Horticulture Officer Lunglei pawhin sikul huana chin tur thlai leh thei dang ngaihtuah belh zel an tum thu sawiin Tomato tiak sem na hun a hmang ve bawk.