Vawiin khan Khawzawl-ah Right to Information (RTI) Week, 2019 hman a ni a, hemi rual hian RTI Act (2015) zirchianna neih nghal a ni.

Ram puma hman thin "Right to Information (RTI) Week, 2019" hi Mizoram Information Commission leh Deputy Commissioner Office, Khawzawl ten an buatsaih a ni a. Dr.C.Lalzirliana, Information Commission, Mizoram Information Commissioner chu khuallian niin, Pu H.Lianzela, Deputy Commissioner, Khawzawl District chuan he hun hi a kaihhruai a ni.

Thusawiin khuallian Dr. C.Lalzirliana, Information Commissioner chuan RTI Act chu mipuite tana duan chhuah anih thu a sawi a. RTI Act (2005) chu sawrkar tha leh langtlang sawrkar siamtu a nih avangin mipuite chu hmang tangkai turin a chah a.  RTI Act (2005) chu amah ngei pawh hmang tangkai tu anih thu a sawi bawk a ni. RTI Act (2005) hmanga thu zawh te hi kan in thlahrun thin thu sawiin, khuallian Dr.C.Lalzirliana chuan inthlahrunna tur a awm loh thu leh mipui te chu uar zawka hmamg turin a sawm a ni.

He hunah hian "RTI leh Mipuite" tih thupui hmangain Pu PC Lalchunglura, SP, Khawzawl District kalkhawm mipuite a zirtira, zawhna leh chhana hun buatsaih niin, Pu K.Zadawla, Deputy Secretary, MIC he hun hi a hmang bawk a ni.

Khawzawl-a RTI Week hawnna ah hian sawrkar hnathawk te bakah NGO hruaitute, zirlai leh mipui thahnem tak an tel a ni.