Vawiin khan Dr. K. Beichhua, Minister of State chuan Diakkawn YMA Hall-ah Khuallian niin, Mizo Zirlai Pawl, Headquarters Kolasib Ruby Jubilee lawmna (a nikhatna) hun a hmanpui.

Khuallian chuan, naupang zirlaite chu nakin a kan ram dinhmun rawn hriltu tur leh kan ram la hruaitu tur te an ni tiin kan ram in a nghak reng ani a ti.

 Kan chenna khawvel hi zirlai te tan intihsiakna khawvel ani tiin Science & Technology hmangin Internet in khawvel a ti zim tawh a, engkim ban phak in a rawn chhawp tawh a, chutih laiin zirna hi intihsiakna pakhat thil pawimawh tak a la ni reng a, intihsiakna a lawmman la tur chuan nasa taka beih a ngai a, a tha ber, a thiamber ni turin kan inbuatsaih a ngai ani a ti.
   
Khuallian chuan, Ruihhlo avanga buaina chi hrang hrang in kan ram hi min tuam a, thalai kalsual tamtak kan awm mek a, tamtak kan thi zel a, a mangan thlak hle ani a ti. Chutih laiin zirna a mihlawhtling te hi ruihhlo laka fihlim te an ni tiin Ngaihtuahna fimtak neih a ruihhlo laka inhnamhnawih loh turin zirlaite chah in, min ti beidawngtu ruihhlo do a Pathian duh dan ang taka an zirlai te zir a, thahnemngai taka tumruhna nena zir zel turin a fuih bawk.

He hun hi Lallawmzuala, Treasurer, MZP Hqrs, Kolasib chuan a kaihhruai a.  Khuallian bakah Pu J. Rothanga, DAO leh Pu Lalnghinglova, Chinzah MZP Adviser ten thusawina an nei ani.