Vawiin khan Chaltlang Tourist Lodge-ah Mizoram Education Inspecting Officers Association (MEIOA) General Conference 2019 chu Tourist Lodge Chaltlangah hman a ni a, Pi Esther Lalruatkimi Commissioner & Secretary School Education Dept. in khuallian niin a hmanpui.
   
Khuallian Pi Esther Lalruatkimi chuan he conference-ah hian thusawiin School Education Dept in kawng hrang hrangin hna a thawk a, building tam tak sak a ni a, thawktute service pawh siamthat zel a ni a, chutih laiin kan zirna quality a tlahniam zel a, tun dinhmunah phei chuan All India Service-ah te pawh kan lang hlei thei ta lova, Technical Entrance examah te kan hniam a, ST quota luahkhahna turah te pawh kan hniam a, hei hi kan zirna quality tlakhniam vang a ni a ti bawk.

Commissioner & Secretary chuan Education siam tha tur hian Department Recruitment Rules leh a hotu dinhmun atanga siamthat te pawh a ngai ang a, Mizoram Education Service te pawh tul leh mamawh a ni a ti a. School inspection te pawh tun hma ai chuan kan titha zel a, hmasawn zel a ngai a ni a ti a. Quality education tak tak thlen theitu chu inspecting officer te an ni tih a sawi a. An hnathawhna lamah harsatna nei nual mahse, zirna lama mawhphurtu ber chu inspecting officer te an ni tih a sawi bawk. Officer te chu mahni bial chhung hrechiang a, zirtirtute dinhmun mai bakah textbook kalphung fel lo leh dik tawk lo te pawh a hre tur leh report petu tur an ni tih a hrilh bawk.

Commissioner & Secretary chuan Enrolment lamah te National Award to Teachers thlan turah te mahni bial theuhah tan lak a ngai a ni a ti a. Officer te chu anmahni bial theuhah theih tawp chhuah thar leh turin a chah a ni.

MizoramEducation Inspecting Officers Association ah hian member 41 an awm a. Confernce ah hian ro an rem bakah Kum 2019-21 chhunga an pawl hruaitu  an inthlang nghal a.

President - Pu Lalrambuatsaiha
Vice Pre. - Pu Lalhmachhuana
Gen Secy - Pu R.Lalthanmawia
Asst. Secy - Pu C.Lalthanzira
Treasurer - Pi Zoliani Hnamte
Fin. Secy - Pu Lalchungnunga.
   
MEIOA General Conference hi ab President Pu Lalrambuatsaiha’n a kaihruai a, District hrang hrang atangin member-te an kalkhawm a ni.