Nimin (3.11.2016) chawhnu dar 2:00 P.M. khan New Economic Development Policy (NEDP) hnuaia Entrepreneurship Development Scheme enkawl tura din, Mizoram Entrepreneurship Development Monitoring Committee (MEDMOC) thutkhawm hmasa ber chu Chief Secretary Conference Hall-ah neih a ni.

NEDP hnuaia Entrepreneurship Development Scheme kalpuina atan component hrang hrang zingah - Entrepreneurship Kailawn, Mizo tawng ngeia ruahman te, Trainers Training kalpui dan tur te, Entrepreneurship Awareness kalpui dan tur te, Entrepreneurs Award ruahman dan tur te, Business Proposal Competition siam dan tur te, Micro Start Up capital atana 'tang puihna' ruahman dan tur te, Entreprensuhsip and Skills Development kalpui dan tur te leh implementation schedule te hi ruahmanna siam fel a ni a. Entrepreneurship Development Scheme hi a hawnna December thla tir lamah neih nise tiin meeting hian a rel bawk.

Meeting-ah hian Road Map for Entrepreneurship Development Scheme under NEDP sawiho a nih bakah rawtna hrang hrang sawizau na presentation Pu Joseph L. Ralte in pe in, kumin 2016-17 chhunga Entrepreneurship Development Scheme component hrang hrang atana kalpui dan tur leh implementation schedule ruahman nghal a ni bawk.

Mizoram Entrepreneurship Development Monitoring Committee (MEDMOC)-ah hian Chief Secretary Pu Lalmalsawma chu Chairman a ni a. Dr C. Vanlalramsanga, Planning Secretary chu Alternate Chairman a ni a. Members te chu; (1) Pu Zothankhuma, Commissioner & Secretary, Commerce and Industries Department; (2) Pu Benjamina, Commissioner & Secretary, Higher & Technical Department; (3) Pu Jospeh L. Ralte, Founder, Mizoram Entrepreneurship Network; (4) Pu Lalrinzuala, UNDP Programme Coordinator; (5) Dr Laldinliana, Department of Commerce, Mizoram University; leh (6) Dr Lalrinchhana, Member Secretary te an ni.