648/2025-2026

Aizawl, the 16^th May 2025 : Mizorama film leh film siamtute hmasawnna leh a kaihhnawih chungchanga Sawrkarin a din Mizoram Film Development Committee chu a vawikhatna atan vawiin khan Committee Chairman, Pi Betsy Zothanpari Sailo, Secretary, Information, Public Relations, Printing & Stationery kaihhruiana hnuaiah ama Pisa MINECO ah an thukhawm.

Pi Betsy Zothanpari Sailo chuan Committee din chhan tlangpui te sawiin Committee in Mizorama film siamtu zawng zawng huapa kokim deuha film hmasawnna kalpui leh ngaihtuah chu a tum ber ani a ti a. Film siamtu atanga he Committee Member a ruat te chu an ngaihdan leh rawtna te sawi turin a sawm a.  Anni hian rawtna hrang hrang te siam an ngaihdan te an sawi a ni.

Film Development Committee hi tunhnaia Sawrkarin a din a, Minister, Information & Public Relations hi Patron niin film siamtu atangin mi 5 – Pu Lalsawmliana Pachuau, Pu Napolean RZ Thanga, Pu Aldrin Zosangliana, Pu VL Pianruala leh Pu B. Lalbiakvela te chu Member ah ruat an ni a, anni bakah Department officer thenkhatte pawh Member an ruat tel an ni bawk.