Mizoram Forest Service Association chuan Teak Plantation an enkawl lai mek kih leh ruk awm thin chungchangah a hnuai a mi ang hian thuchhuah a siam:

Tunlaiin Mizoram hmun hrang hrangah Forest Department Teak Plantation puitling tawh kih leh hralh ruk a hluar em em a, Department-a thawktute'n chhun leh zana theihtawpa ven hna an thawh chungin heng sorkar sum hnar hlu takte hi nasa takin suasam mek a ni. Teak thing hralh leh phurh awlsamna hmun apiangah heng thilsual titute hi an ngampa a, a bik takin Mamit leh Bairabi Range inrina Tlawng leh Teirei kam velah a hluar zual a; thingphun vengtu Department a thawktute ngei pawhin misual kut an tuar tawh a ni. October Ni 18, 2018 khan Mamit Forest Range hnuai Suarhliap Beat-a duty Pu Laltlansanga Forest Guard leh Pu Lalrinchhana, Department Labour-te chu mi thenkhatin an hnathawk lai Io changin damdawia enkawl ngai khawpin an sawisak rawn a. Heng kutthlaktute hi Department Teak thing ru thintute leh an thurualpuite an ni a, Bairabi Police Station-ah thubuai ziah Iuh a ni. Department tana theihtawp chhuahtu kan thawhpuite’n rukru kut an tuar hi Mizoram Forest Service chuan pawi a ti a, kan tuarpui tak zet a ni. Dan leh dun lek kawhtute kan ring tawk a, an phu tawk hremna an pek ngei kan ring a ni. 

Mizoram hmun tina Department thingphun puitling tawh venhim kawngah te, thil tisualtu zawnchhuah kawngah leh hremna lek kawh kawngah mipuite leh dan leh thupek kengkawhtute tawiawmna kan ngen a. Ramngaw leh nungcha humhalh kawnga theihtawp min chhuahpui thintu zawng zawngte tanpuina a tharin kan beisei bawk a ni.