The Associated Chambers of Commerce and Industry of India (ASSOCHAM), Ministry of Food Processing and Industries (MoFPI), DoNER, Tourism leh Skill Development te buatsaih ni thum awh tur tur exhibition cum conference, ‘Emerging North-East’ chu nimin khan Guwahati-ah hawn a ni a. A ni hnihnaah (March 5, 2018) Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chuan hawnna thuchah sawiin, Round Table Session a telpui a ni.

 Lt. Gen. Nirbhay Sharma chuan India hmarchhak biala ramte chu thei leh thlai chi hrang hrangah an hausa in, food processing leh a kaihhnawih thilah hmasawnna tur tam tak a awm thu a sawi a. Governor chuan kan in saka hmarchhak kilin hmun pawimawh a luah angin (Shastra Vaastu), hmarchhak state-te an pawimawh a ni, a ti. Mizoram chu ram ralmuang, a boruak leh leilung pawh thei, thlai, pangpar, spice, medicinal leh aromatic plant-te chinna atana duhthusam a nih thu a sawi a. Project hrang hrang kalpui mekte avanga inkalpawhna a that chhoh tur thu sawiin, thenawm ramte nena insumdawntawnna pawh a awlsam tur thu a sawi a. Sumdawnglian kalkhawmte chu Mizorama rawn sumdawng turin a sawm a ni.

He hunah hian Pu Siddharth Gautam, Advisor, ASSOCHAM chuan inlawmna thu a sawi a. Mithiamte kaihhruaina hnuaiah panel discussion neih a ni. Mizoram aiawhin Mizoram Organic Cell an tel bawk a ni.