Mizoram Governor Lt Gen Nirbhay Sharma, PVSM, UYSM, AVSM, VSM, (Retd) chuan vawiin khan Aizawl Footbal Club Player leh officials te chu Raj Bhawan-a lengah sawmin Inrinni kal taa an chak lawmpuina thingpui a inpui.

Mizoram Governor chuan Aizawl FC te chibai bukin I-League an khelh meknaah duhsakna a hlan a, Mizo thalaite ngaihsan leh entawn an ni tih hre reng turin a chah. Mizoram leh Mizote chauh ni lovin ramchhung leh pawn mit chu an chungah a fu mek a ni tih sawiin Larsap chuan Inrinni-a Mohun Bagan an hneh hnu khan ramchhung leh pawh hmun hrang hrang atangin mi tam takin amah an rawn biak thu leh Aizawl FC tana duhsakna an rawn hlan nghe nghe a ni, a ti a. Aizawl hming pu mahse he football club-ah hian Mizo bakah hnam dangte, sakhua leh ram hrang hranga mi an awm chu a lawmawm hle a, inunauna leh inhriatthiam tawnna boruak tha zawk siamna kawngah Aizawl FC chu entawn tlak takzet a ni, a ti bawk. Tunkar Pathianni-a an inkhelh lehna turah duhsakna hlanin I-League champion ni thei tura theihtawp chhuah turin leh chumi piah lamah khawvel pum hriat khawpa Mizote hming chawisangtu an la nih zel theih nan tan la zel turin a fuih bawk.

Aizawl FC President Pu Robert Romawia Royte chuan Mizoram Governor-in AFC player te duhsak taka a sawmna; player-te tihphur hun takah Mizoram state hotulu ber Governor ngeiin nasa takin a tuipuina leh a fuihna chungah lawmthu a sawi.

Attachment

  • Loading attachment...