Vawiin khan I&PR Conference Hall, CHANEM Building, Champhai-ah ni 25-27.3.2014-a Mizoram Governor Pu Vakkom Purushothamana’n zan hnih riaka Champhai a tlawh turah lo dawnsawn dan tur sawihoin Champhaia Head of Offices, Party aiawh leh chanchinbumite an thukhawm.

He meeting hi Champhai DC Pu Sangdingliana chuan kaihruiaah hian mipui vantlang tana Mizoram Governor lo hmuahna hmun atan Champhai Circuit House tual nise tiin, khawchhiat thulah inven nan Champhai Town Hall hauh lawk ni bawk se an ti. He hmuahna leh lawmna hun hi chawhma dar 11:00-ah tanin Champhai District Bawrhsap-ininlawmna thu a sawi ang a, special item hmuhnawm tak tak entir tum a ni bawk. Hemi zawhah hian Champhai Circuit House-ah NGO te, Journalist te leh Department Officer te Governor hian a kawm leh dawn a ni. Governor in Zokhawthar a tlawh huna lo dawnsawn dan tur chu Zokhawthar VC te kutah dah nise an ti a. Tlangsam Winery hmunah chuan a changtu department - Excise & Narcotics, Horticulture Department leh Champhai Grape Grower’s Society ten lo dawngsawng se an ti. Governor in Champhai a thlen hunlai leh Aizawl-a a let leh dawn hunah Circuit House - Helipad kawng chu Traffic clear vek nise tiin an rel bawk a ni.

Mizoram Governor Pu Vakkom Purushothaman hian ni 25.3.2014 (Thawhlehni) hian Champhai thlengin, a tukah Zokhawthar leh Tlangsam Winery leh hmun dang dang a tlawh leh anga. Ni 27.3.2014 (Ningani) ah Shelter Home a tlawh hnuah Aizawl ah a let leh ang.

Governor hian Champhai a tlawh vawikhatna tur a nih avangin amah lo dawngsawng tur hian uluk taka inbuatsaihna neih a ni a. He hun hmang turin Committee chuan mi zawng zawng a sawm a ni.