NLUP Implementing Board leh Information & Public Relations Department bul tumin Mizoram Journalists Association(MJA)Serchhip District Hqrs hnuaia Press mi te chuan sorkar hmalakna hmun pawimawh te tlawh turin vawiin khan Aizawl an chhuahsan.

Media team te hi Serchhip district IPRO Pu Andrew Lalremruata’n a ho va. Vawiin ah Buichali-a Sairang-Kawnpui road siam thar mek chu tlawhin Kolasib ah an riak ang a. Naktukah Chemphai leh N.Chawnpui a NLUP hmalakna te an tlawh ang a, Serlui Mini hydel project leh Tuirial Hydro project hnathawh kal mek te an en bawk ang.

Press mite hi Serchhip MJA President Pu Kapliana, Editor Serchhip Times hovin mi 10- Serchhip atangin 9 leh Thenzawl atangin 1 an ni a. Aizawl an chhuahsan hma in I&PR Director Pu Jim K.Chozah leh NIB Secretary Pu Zorammuana ten an office ah thlahna thingpui an inpui ve ve a ni.