3411/2024-2025

Aizawl, the 6th November, 2024: Nagaland Governor Shri La Ganesan sawm angin vawiin khan Mizoram Governor Dr. Hari Babu Kambhampati chuan Nagaland-a Hornbill Festival hman mek leh a kum 25-na lawmna Naga Heritage Village, Kisama, Kohima District, Nagaland-a neih chu Khualtha niin a hmanpui.

He hunah hian Nagaland State chhunga hnam hrang hrangte leh State pawn atanga sawmte'n hnam lam entirin hnam ziarang leh nunphungte pholan a ni a. Nagaland Legislative Assembly Speaker Pu Sharingain Longkumer leh Pu A. Pangjung Jamir, MLA & Advisor for Fisheries and Aquatic Resources-te chu Khualthlengtute an ni.

Hornbill Festival hi Nagaland Sawrkar Department of State Tourism leh Department of Art & Culture-te buatsaihin December ni 1, 2000 atang khan neih tan a ni a, December ni 1 atanga ni 10 thleng Kisama Heritage Village, Nagaland khawpui Kohima atanga km 12 a hlaah neih thin a ni. 

Mizoram Governor hian vawiin chawhnu khan 2nd World War Museum leh Kohima War Cemetery-te a tlawh nghal bawk.