No.7618/2020-2021  

Vawiin khan DC Conference Hall, Mamit ah Dr. Lalrozama, IAS, District Bawrhsap hovin Hon'ble Governor, P.S Sreedharan Pillai- in thlathara Mamit a tlawh tur chungchanga inbuatsaihna leh lo dawnsawn dan tur rela thutkhawm a ni a. Mawhphurhna hrang hrang inpek nghal a ni.

Vawiin vek hian Mamit-a Chapchar Kut hman dan tur rel nghal niin COVID-19 hrileng mek avangin kum danga District huapa a huho-a hman thin anga hman chu a rem lova hriat a ni a. Chapchar Kut, 2021 chu District huapa hman loh mai nise tih a ni bawk.

He hunah hian Mamit khawpui chhunga Head of Offices, NGO leh khawtlang hruaitute, KHJC (Kohhran hrang hrang Joint Committee) hruaitute, Zirlai Pawl hruaitute, Political Party aiawh bakah thutharthehdarhtute an tel a ni.