Kar kalta Inrinni zing, July ni 21-a Keifang khawdaia Bus chetsualna rapthlak tak thleng chungchangah Mizoram Governor Pu Vakkom Purushothaman chuan he chetsualna in a barakhaih thu leh lusun chhungte thinlung taka a tawrhpui thu sawiin chetsualna avanga hliam tuar te an that leh thuai a duhsakna a hlan a. Hemi avanga rilru na zawng zawng te chu Engkimtitheian thlamuanin awmpui se a duh thu a sawi a ni.

Hemi chungchanga tawrhpuina thuchhuah vawina a siamah Governor chuan Keifang, Saitual, Rulchawm, Ruallung leh khaw hnaivaia mi tlawmngai, zan khawthim leh hun chawpchilh pawh sawi lova tanpui ngai te tanpui tura rang taka an che chhuak chu a lawm thu a sawi a ni.