Tukin khan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) leh Union Minister of State for Consumer Affairs, Food & Public Distribution Pu CR Chaudhary te chu Raj Bhavan-ah an inkawm a. Parliamentary Secretary Pu TT Zothansanga, FCS&CA Department leh Food Corporation of India (FCI) hotuten an tawiawm a ni.

Larsap chuan Mizoram chu sawrkar inrelbawlnaah hmarchhak atanga a tha berte zing ami a nih thu sawiin, inkal pawhna kawngpui leh rel kawng sial mek te avanga ei leh bar kawnga hmasawnna tur tam tak a hmuh thu a sawi a ni. Hmarchhak mite nunphung leh hnam zia rang chu India ram hmun danga mite nen a inan loh thu sawiin, sawrkar laipui pawhin inhriatthiamna thui tak a neih tha a tih thu a lo hrilh a ni.

Heng bakah hian Food Security Act hlen tura harsatna hrang hrang an tawh te an sawiho a. Internet-ah hmasawnna a awm a nih chuan, digitisation pawh chak zawka kalpui theih a nih thu an sawi a. Thlai thar te vawng thatu tur, cold chain management chuangchang an sawi bawk a ni.

Attachment

  • Loading attachment...