Nimin tlai khan Union Drinking Water & Sanitation MoS Ramesh Chandappa Jigajinagi leh Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chuan Raj Bhavan-ah inkawmna an nei.

He inkawmnaah hian Mizoram Governor chuan faina chu Mizote nunphunga bet tlat a nih thu leh district tinte pawh Open Defecation Free (ODF)-a puan an nih thuai tur a sawi a. Chite Lui tifai tura mipui hmalakna chu lo hrilh hriain, entawn tlak a nih thu a sawi a ni. Bawlhhlawh paih leh sawngbawl lama harsatna awmte chu hriatpui tur leh sutkianpui turin a ngen a ni.

Attachment

  • Loading attachment...